Kelaraŋŋini 19:4 - EBƆRƐ BE KAWƆL

⁴ Nɛ bejuŋkparpo adunyɔ nɛ ana na nɛ asɔbɔya keniso ana gbir n dese kasawule m maŋ Ebɔrɛ mo nɛ e daa tase kuwurputi so na so nseŋ kaŋɛ awɔrso: “Amɛn. Halleluya.”

Kelaraŋŋini 19:4 ပူးပေါင်းရင်းမြစ်များ

1 Kronikɛls 16:36

Men di Enyɛnpe Israɛl be Ebɔrɛ na epaŋ! Men di mo epaŋ naniere hale mbaanaayɔ! Ndoŋ nna nɛ basa na kikɛ shuli so ŋ kaŋɛ le: “Amɛn” Nseŋ di Enyɛnpe Ebɔrɛ epaŋ.

Nehemaya 5:13

Kumo be kaman nɛ n saŋɛ kreso nɛ n ta n chɛ ma kashɛr to na nseŋ gbaŋgbaŋ kumo to a ŋini fanɛ loŋ nɛ Ebɔrɛ beeŋ gbaŋgbaŋ bekama nɛ b maa bɛ bumo be nnɔ nase so so na. Kumo alɛ be kaman nɛ ŋ kaŋɛ le: “Ebɔrɛ beeŋ sɔ men be ebuana nɛ kusɔ kama nɛ men kɔ, saŋɛ na so, men maa naa kɔ shɛŋ.” Ndoŋ nna nɛ bekama nɛ b daa wɔ ndoŋ na shuli so ŋ kaŋɛ: “Amɛn!” Kumo be kaman nɛ b di Enyɛnpe Ebɔrɛ na epaŋ. Ade kikɛ be kaman nɛ bejuŋkparpoana na bɛ bumo be nnɔ naseso so.

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nshɛ 104:35

Shin nɛ alubiworapoana kikɛ e mur ashi kasawule ere so, n shin nɛ kumukpakpasowuraana e sa maŋ naa wɔtɔ kuraa. Meeŋ kpaŋ fo Enyɛnpe Ebɔrɛ na ashi ma kagbene to kikɛ.

Nshɛ 106:48

Enyɛnpe, Israɛl be Ebɔrɛ, fo e daga esa ka kpaŋ fo mbaanaayɔ. Shin nɛ ekama e kaŋɛ, “Amɛn!” Men kpaŋ Enyɛnpe Ebɔrɛ na!

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 89:52

Men baa kpaŋ Enyɛnpe Ebɔrɛ na mbaanaayɔ! Amɛn! Amɛn!

Jɛremaya 28:6

“Enyɛnpe Ebɔrɛ na e shin nɛ kusɔ nɛ fo kaŋɛ ere gbagba e wora m bɔlɔ so loŋ. Mee tama fanɛ e daŋ bɛta asɔ kama nɛ Babilɔnebi na ta ashi bɔrɛlambu ere to nɛ anyi be basa nɛ b daŋ pɛ n yɔ Babilɔn be efuli so na m ba, k beeŋ par ma.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

1 Kɔrintebi 14:16

Nɛ fee ta fo kiyoyu a chɔrɔ Ebɔrɛ, nuso nɛ esa pɔtɛ mo nɛ e ba asɔri na to ŋkaa maa nu ŋgbar na bee wora a shuli ‘Amɛn’ a wɔtɔ fo kechɔrɔ na to? Ŋkpal manɛ so, e maŋ nyi kusɔ nɛ fee kaŋɛ.

Kelaraŋŋini 15:7

Ndoŋ nna nɛ asɔbɔya keniso ana na be eko ta shuwa be ntishaŋ ashunu mo nɛ Ebɔrɛ mo nɛ e wɔ ŋkpa to mbaanaayɔ na be agbo daŋ bɔlɔ m bɔlɔ amo na n sa emalaika ashunu na.

Kelaraŋŋini 19:1

Ade be kaman nɛ n nu kusɔ ko fanɛ jimaŋ damta ko be ebɔlana ka shi ebɔrɛso a boŋ to awɔrso a kaŋɛ le: “Halleluya. Kumɔlga nɛ kemaŋkura nɛ eleŋ la an be Ebɔrɛ na peya nna.

Kelaraŋŋini 19:3

Ndoŋ nna nɛ basa na naŋ boŋ to ŋ kaŋɛ: “Halleluya. Edishi mo nɛ a bee shi mo to a lar na bee dii nna mbaanaayɔ.”

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.

Kelaraŋŋini 5:14

Ndoŋ nna nɛ asɔbɔya keniso ana na kikɛ shuli ŋ kaŋɛ: “Amɛn.” Nɛ bejuŋkparpoana na gbir n dese kasawule m maŋ mo so.