Kelaraŋŋini 19:11 - EBƆRƐ BE KAWƆL

¹¹ Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 19:11 ပူးပေါင်းရင်းမြစ်များ

Nshɛ 50:6

Esoso bee ŋini anyi nna fanɛ Ebɔrɛ bee ji basa be asheŋ nɛ amo be ekpa so nna.

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Aizaaya 32:1

Kachako bee ba nɛ ewura ko e ba ta kashenteŋji a ji kuwura nɛ efuli na be benimu malɛ e baa ji asheŋ nɛ amo be akpa so.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Jɛremaya 33:15

Jemanɛ na kaŋ fo meeŋ lara ewura Deevid be kaman to ebi to be esa nɛ e bee wora asheŋ niŋiso m buu mo kuwura. E beeŋ baa wora kusɔ nɛ k niŋi nseŋ daga ashi kasawule na kikɛ so.

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Zakareya 1:8

Ashi edare na to n daŋ wu esa ko ka dii gbaŋɛ peper nna m ba yili ndibi ko be afito ashi ketaŋɛ ko to, nɛ egbaŋɛ peper kpaw nɛ bepeper kunɔkunɔ nɛ befuful ko malɛ yil mbe kaman.

Baru lela nɛ Jɔn kute na 1:51

Kumo be kaman nɛ e kaŋɛ bumo kikɛ: “Kashenteŋ nɛ mee kaŋɛ menyi na fanɛ menyeeŋ wu ebɔrɛso ka bugi nɛ Ebɔrɛ be emalaika bee dii a gbelge a ba ma, Nyiŋgbasa Pibinyɛn so.”

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 19:19

Ndoŋ nna nɛ n wu kusɔbɔya na nɛ kasawule ere so be bewura nɛ bumo be benapo ka shɛr m ba nɛ b ba kɔ gbaŋɛ na be ediipo na nɛ mbe benapo kena.

Kelaraŋŋini 19:21

Kumo be kaman nɛ b ta tokobi mo nɛ k daŋ shi gbaŋɛ na be ediipo na be kɔnɔ to n lar m mɔ bumo nɛ b daŋ ka na kikɛ nɛ mbuibi ba ji bumo be eyurana m moɛ ŋ kini.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”

Kelaraŋŋini 6:2

Ndoŋ nna nɛ ŋ keni nɛ gbaŋɛ fuful e yil. Kumo be ediipo daa kɔ keta to nna nɛ b ta kuwurwuro n sa mo nɛ e dii gbaŋɛ na n lar ndoŋ fanɛ ekɔmpɔɔsopo nɛ e ya kɔ m pɔɔ so.