Kelaraŋŋini 19:10 - EBƆRƐ BE KAWƆL

¹⁰ Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 19:10 ပူးပေါင်းရင်းမြစ်များ

2 Bewura 17:36

Men baa bunyaŋ ma Enyɛnpe Ebɔrɛ nɛ m bɔla ma eleŋgboŋ so n lara menyi ashi Ijipt be efuli so na nsaa jɔŋɛ ma ase a lara esarga a sa n nawule.

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Danɛl 2:46

Ndoŋ nna nɛ ewura Nebukadneeza dese kasawule Danɛl be anishito bunyanso m ponte ŋ kaŋɛ fanɛ b lara sarga nseŋ chɔɔ duwu n sa Danɛl.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Maak 5:22

Ndoŋ nna nɛ kade na to be nshɛrbu to be enimu ko nɛ baa tre Jairus na ba wu Yesu nseŋ gbir mbe anishito

Maak 7:25

Amoso, kache ko nɛ mo pibiche daa kɔ kiyoyu lubi mo to na nu Yesu be asheŋ m ba mo kutɔ epul na to m ba gbir mbe anishito.

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Ashuŋ Shunso 10:43

Anebiana kikɛ daŋ malga mbe asheŋ ŋ kaŋɛ fanɛ ekama nɛ e yirda mo, e beeŋ nya mbe alubi be ketampaŋ ashi mbe ketre na be eleŋ to.”

Ashuŋ Shunso 13:27

Ŋkpal manɛ so, basa nɛ bumo nɛ bumo be benimu wɔ Jerusalɛm to ere daa maŋ nyi fanɛ mo e la emɔlgapo na, bumo alɛ daa maŋ pin anebiana be mmalga nɛ b sibɛ n nase nɛ b baa kraŋ amo kewushiachɛ kama na gba to. Ama bumo alɛ daŋ shin nɛ b mɔ Yesu n shin nɛ anebiana be mmalga na bɔla ekpa.

2 Kɔrintebi 8:7

Men juŋkpar ekama nna ashi kusɔ kama to, ashi yirda to nɛ mmalga to nɛ kanyiasheŋ to nɛ kagbene koŋwule be kebaawɔtɔ to nɛ kasha mo nɛ men kɔ a sha anyi na so. Amoso, anyee sha fanɛ men baa kɔ kakɛ be kagbene ashi le be kasha be kushuŋ ere to.

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

1 Jɔn 5:10

Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.

1 Jɔn 5:21

Ma mbi shasoana, men baa gelge agbir.

Kelaraŋŋini 1:1

Yesu Kristo be asɔ nɛ Ebɔrɛ sa mo nɛ e lara ŋ ŋini mbe anya nde. A la asɔ nɛ a maaŋ chɛr nseŋ wora nna nɛ e shuŋi mbe kabɔ fanɛ e ba lara amo ŋ ŋini ma, mbe kenya Jɔn

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Kelaraŋŋini 12:17

Ndoŋ nna nɛ kusɔ gbeyeso na diewu ga n wora kache na nseŋ kilgi m bɛta n yɔ nɛ e ya kɔ kache na be kaman to ebi nɛ b ka na kena. Bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa ji Yesu be shɛda na.

Kelaraŋŋini 14:7

Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 19:9

Ndoŋ nna nɛ malaika na kaŋɛ ma le: “Sibɛ n nase fanɛ: Kagbenefuli la bumo nɛ b tre fanɛ b ba Kpakpafɔlbi na be kejafɔ be kejigboŋ to na.” Kumo be kaman nɛ e kaŋɛ le n ti so: “Ade la Ebɔrɛ be kashenteŋ be mmalga nna.”

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le: