Kelaraŋŋini 19:1 - EBƆRƐ BE KAWƆL

¹ Ade be kaman nɛ n nu kusɔ ko fanɛ jimaŋ damta ko be ebɔlana ka shi ebɔrɛso a boŋ to awɔrso a kaŋɛ le: “Halleluya. Kumɔlga nɛ kemaŋkura nɛ eleŋ la an be Ebɔrɛ na peya nna.

Kelaraŋŋini 19:1 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 104:35

Shin nɛ alubiworapoana kikɛ e mur ashi kasawule ere so, n shin nɛ kumukpakpasowuraana e sa maŋ naa wɔtɔ kuraa. Meeŋ kpaŋ fo Enyɛnpe Ebɔrɛ na ashi ma kagbene to kikɛ.

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 111:1

Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 115:18

Anyi nɛ an wɔ ŋkpa to ere nawule e naŋ tiŋ a di mo epaŋ naniere hale mbaanaayɔ. Men kpaŋ Enyɛnpe Ebɔrɛ na!

Nshɛ 146:1

Men baa kpaŋ Enyɛnpe Ebɔrɛ na! Meeŋ ta ma kagbene kikɛ ŋ kpaŋ Enyɛnpe Ebɔrɛ na!

Nshɛ 148:1

Men baa kpaŋ Enyɛnpe Ebɔrɛ na! Menyi nɛ men wɔ ebɔrɛso na, men baa kpaŋ Enyɛnpe Ebɔrɛ na.

Nshɛ 149:1

Men baa kpaŋ Enyɛnpe Ebɔrɛ na! Men boŋ kashɛ popɔr n sa Enyɛnpe Ebɔrɛ na; men baa kpaŋ mo ashi kakpa nɛ mbe basa nɛ baa ji kashenteŋ a sa mo shɛr abar so na.

Nshɛ 150:1

Men baa kpaŋ Enyɛnpe Ebɔrɛ na! Men baa kpaŋ Ebɔrɛ ashi mbe bɔrɛlambu to! Men baa kpaŋ mo ebɔrɛso ashi mbe kakpa lempo na!

Nshɛ 3:8

Kekuŋ shi Enyɛnpe Ebɔrɛ kutɔ nna. Enyɛnpe nɛfa fo basa.

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Jɛremaya 51:48

Saŋɛ na so nɛ kusɔ kama nɛ k wɔ ebɔrɛso nɛ kasawule so kikɛ beeŋ wora awɔr kagbenefuliso, ŋkpal bedoŋ ka beeŋ shi kelargato be esoso be kaba so m ba kɔ Babilɔn m mur kumo so.

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 12:10

Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.