Kelaraŋŋini 18:7 - EBƆRƐ BE KAWƆL

⁷ Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’

Kelaraŋŋini 18:7 ပူးပေါင်းရင်းမြစ်များ

Ɛsta 6:10

Ndoŋ nna nɛ ewura na kaŋɛ Heman le: “Kumo ere wora manaŋ n ya fin piŋi na nɛ gbaŋɛ na m ba wora kusɔ nɛ fo kaŋɛ ere gbagba n sa Mɔdikaya nɛ e la Juw na. Mo e naa chena ewurkpa be kabunagboŋ na ase na. Nyiŋi n wora kusɔ kama nɛ fo kaŋɛ ere n sa mo nsaa maaŋ teŋ shɛŋ so.”

Nshɛ 10:6

Le nɛ baa kaŋɛ bumo be ŋgbene to: “Shɛŋ shɛŋ maaŋ tiŋ n wora anyi. Anyi be ŋgbene beeŋ baa fuli saŋkama. Asheŋ lubi maaŋ tu anyi kikɛ.”

Nshɛ 45:9

Bewura be mbichesobi e wɔ fo lambu to, nɛ eche nɛ fee shin nɛ fo ta na wɔtɔ shuwa be abitasɔ a yil fo kuwurputi be jisoso.

Jɛremaya 13:18

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Ezikɛl 23:34

Feeŋ nuu kumo to be asɔ nseŋ dente kumo kikɛ to; kumo be kaman nɛ fo bure kumo nseŋ ta kumo be abureso na ŋ ku ŋ ku fo anyipo. Ma Enyɛnpetale Ebɔrɛ na e kaŋɛ na.

Obadaya 1:3

Fo, Edɔm be kamoowu e naa fule fo na. Fo Edɔm nɛ fo tase kebee so nɛ fo kowu wɔ kaboŋ jeŋgreŋ na, e naa puchi a kaŋɛ fo kumu fanɛ wanɛ e naaŋ tiŋ m pɔɔ fo so na, ŋko?

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

1 Timoti 5:11

Sa maŋ kaŋ ber bekulpoche nɛ b maŋ la beche kpar n wɔtɔ bumo nɛ b daga kechɛto na to, ŋkpal manɛ so, nɛ benyɛn be kayɛlga baŋ ba pɛ bumo nɛ b naa sha kekil, baa lar Yesu Kristo be kebɛso na to nna,

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”

Kelaraŋŋini 18:9

Kasawule so be bewura mo nɛ b ji kesakalea nseŋ naŋ tu mo n ji mbe dama na kaŋ wu edɛ mo nɛ a bee chɔɔ mo na be edishi, baaŋ boŋ to n shu anishichubi ŋkpal mo so.