Kelaraŋŋini 18:6 - EBƆRƐ BE KAWƆL

⁶ Men wora mo kananɛ e wora menyi na gbagba chap. Men laŋɛ kusɔ kama nɛ e wora menyi na ŋ ka mo loŋ be ale anyɔ. Men shin nɛ mbe kawiebi nɛ e ta n wora nsa n sa menyi na e bɔlɔ a kɔ eleŋ ale anyɔ a chɔ amo nɛ e sa menyi na.

Kelaraŋŋini 18:6 ပူးပေါင်းရင်းမြစ်များ

Nshɛ 137:8

Babilɔnebi, menyeeŋ mur cheche! Ebɔrɛ e nɛfa basa nɛ baaŋ ka menyi kusɔ nɛ men wora anyi ere be kukɔ.

Nshɛ 28:4

Gberge bumo kusoe ŋkpal bumo be ashuŋ lubi so; Shin nɛ b nya bumo be asheŋ lubi be kakɔka; n shin nɛ bumo be asheŋ lubi nɛ b wora na kikɛ e laŋɛ bumo so.

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 61:7

Bumo be anishinyɔr nɛ ŋaba beeŋ fo ekar. Baaŋ chena bumo gbagba be kasawule so nɛ bumo be kanya nɛ kedama e daŋɛ so ntuŋ anyɔ so. Bumo be kagbenewushi beeŋ baa wɔtɔ mbaanaayɔ.

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 50:29

“Kaŋɛ bedoŋ nɛ baa ta ata a kɔ kena na fanɛ b kɔ Babilɔn kena. B ba kulti Babilɔn be kadegboŋ na n wɔtɔ nsaa maŋ shin nɛ esa kikɛ e nya n shile kena na to. Men ka bumo kukɔ ŋkpal kusɔ nɛ b wora na so, nseŋ wora bumo kusɔ nɛ b ta n wora beko na. Ŋkpal manɛ so, kamoowuso nɛ b daŋ wora asheŋ ŋ gbiti ma, Israɛl be Ebɔrɛ cheembi na.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:49

Babilɔn gba daga fanɛ k bure, ŋkpal kumo be basa ka mɔ ma basa Israɛlebi nɛ durnya to be efuli damtaana be basa so.

Nfabel 3:64

O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Zakareya 9:12

Men bɛta m ba menyi be kumɔlga be kakpa lempo na nseŋ nya tama. Ŋkpal manɛ so, kabre meeŋ laŋɛ asɔ nɛ men daa kɔ na be ntuŋ anyɔso n sa menyi.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.

Kelaraŋŋini 16:19

Nɛ kadegboŋ na barga to ntuŋ nsa so nɛ durnya to be ndegboŋ kama mur. Nɛ Ebɔrɛ nyiŋi Babilɔn lempo nseŋ ta katishaŋ mo nɛ k bɔlɔ mbe agbo damta be nsa na n sa fanɛ e nuu.

Kelaraŋŋini 17:2

Kasawule ere so be bewurgboŋ nɛ sakalechegboŋ na ji abar kesakalea so nɛ durnya ere to be basa malɛ nuu mbe kesakalea be nsa m boo.”

Kelaraŋŋini 17:4

Kache na daŋ buu jilmaso be wajɛ peper kunɔkunɔ nɛ wajɛ peper soo nna nɛ shuwa nɛ ajembubi lela nɛ amo be yawu du kpakpa na nɛ abitasɔ kikɛ wɔ mo so a nyɛkpɛ palpal. E daa kɔ shuwa be kawiebi mo nɛ k bɔlɔ alemaŋkar be alubi be asɔ nɛ kesakalea be eyurpi to nna.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”