Kelaraŋŋini 18:4 - EBƆRƐ BE KAWƆL

⁴ N daŋ naŋ nu ebɔl ko ka shi ebɔrɛso ŋ kaŋɛ: “Ma basa, men lar mbe asheŋ to, saŋɛ na so men maaŋ tu mo n luri mbe alubi na to, saŋɛ na so men maaŋ nya mbe etɔrɔ na be kekama.

Kelaraŋŋini 18:4 ပူးပေါင်းရင်းမြစ်များ

Jɛnesis 19:14

Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

Nshɛ 50:18

Beyu nɛ basa lubi nɛ menyee ji keteri nsaa sha basa nɛ b maa bɛ bumo be kakil to be nnɔ naseso so.

Aizaaya 48:20

Naniere, men lar Babilɔn be efuli so! Men ta kayurji a yɔ. Men shin nɛ menyi be ŋgbene e fuli menyi nɛ men baa boŋ to awɔrso a kaŋɛ ekama le: ‘Enyɛnpe Ebɔrɛ na kɔ n suge anyi, Israɛlebi nɛ an la mbe anya na!

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Jɛremaya 50:8

Israɛl be basa, men shile n lar Babilɔn be efuli so. Men sa maŋ naŋ jo esa kama!

Jɛremaya 51:45

Nɛ Enyɛnpe Ebɔrɛ na kaŋɛ le: “Ma basa, Israɛlebi, men lar Babilɔn to; men shile m mɔlga menyi be amu pɔɛŋ nɛ ma agbo e gbelge kadegboŋ na so!

Jɛremaya 51:50

Nɛ Enyɛnpe Ebɔrɛ na kaŋɛ mbe basa nɛ b wɔ Babilɔn be efuli so na le, Ma basa, jemanɛ nɛ Jerusalɛm daŋ bure na, men daŋ nya n shile m mɔlga menyi be amu nna. Naniere kakpa nɛ men chena ere nɛ epe wɔ kufɔ, ama men yirda ma nseŋ fɛ Jerusalɛm be asheŋ. Men lar Babilɔn be efuli so! Men sa maŋ naŋ chena ndoŋ!

Jɛremaya 51:6

Men shile n lar Babilɔn be efuli so m mɔlga menyi be efute! Men sa maŋ shin nɛ b mɔ menyi ŋkpal Babilɔn be basa be alubi so. Bumo be kusɔ nɛ b wora na be kasogberge nɛ k daga bumo nɛ mee sa bumo a tal to na.

Jɛremaya 51:9

Nɛ befɔ nɛ b wɔ ndoŋ na kaŋɛ abar le: ‘An wora ania fanɛ anyeeŋ chɛ Babilɔn be efuli na to, ama asheŋ teŋ n jija. Amoso men shin nɛ an bɛta epe. Ebɔrɛ be eleŋgboŋ na so nɛ e bɔla ŋ gberge Babilɔn kusoe nseŋ mur kumo cheche na.’ ”

Matiu 23:30

Menyee kaa kaŋɛ fanɛ, nɛ an daa wɔtɔ an nananyɛnana be jemanɛ na nna, an daa maaŋ tu bumo m mɔ anebiana na.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

1 Timoti 5:22

Sa maa nya manaŋ a ta fo enɔ a deŋi esa kikɛ so a ta mo a bɔɔ Ebɔrɛ enɔ kabɔrɛkule to. Fo alɛ e sa maŋ kaŋ luri basa pɔtɛ be alubi to ŋko kusɔ jigaya be kebaawɔtɔ to.

2 Jɔn 1:11

ŋkpal manɛ so, ekama nɛ e chɔrɔ mo bee chɛ mo to a wora mbe ashuŋ lubi na nna na.