Kelaraŋŋini 18:23 - EBƆRƐ BE KAWƆL

²³ Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 18:23 ပူးပေါင်းရင်းမြစ်များ

2 Bewura 9:22

Joram ka wu Jehu na nɛ e bishi mo le: “Kagbenewushi so nɛ fee ba a?” Ndoŋ nna nɛ Jehu malɛ kaŋɛ: “Nuso nɛ kayurwushi beeŋ tiŋ a wɔtɔ saŋɛ so nɛ fo nio Jɛzebel be kegbaya nɛ kagbirshuŋ wɔ anyi to.”

Job be kawɔl 21:17

Ale afanɛ nɛ Ebɔrɛ daŋ nya agbo ŋ gberge alubiworapoana kusoe n shin nɛ b ji jɛrbi?

Aŋasa 24:20

Ŋkpal manɛ so alubiworapo maŋ kɔ echefoso be tama. Mo alɛ beeŋ choŋ fanɛ kananɛ fitila beeŋ duŋ na.

Aizaaya 23:8

Wanɛ e kre le n deŋi Tayɛ so? Kumo be basa daŋ ji eleŋ ga nɛ kumo be eyawujipo malɛ daa la bewurbi nɛ basa daa maŋkura bumo ashi durnya to kikɛ.

Aizaaya 47:9

Ama kachɛ koŋwule pati nɛ asheŋ ntuŋ anyɔ ere kikɛ beeŋ tu menyi. Kegbaya damta nɛ men ta yirda n to so ere be kaman, menyeeŋ ki fanɛ esa nɛ e paŋ mo kul nɛ mbia kikɛ.

Jɛremaya 16:9

Kaŋ kusoe n nu kusɔ nɛ ma, Enyɛnpetale, Israɛl be Ebɔrɛ na kɔ nɛ ŋ kaŋɛ nseŋ kpele Juda be basa kusoe fanɛ meeŋ shin nɛ kagbenewushi nɛ kagbenefuli be nshɛ nɛ kejafɔ to be awɔr nɛ baa kaa chɛ na e fo ekar.

Jɛremaya 25:10

Ma alɛ beeŋ shin nɛ kejafɔ to be kejigboŋ nɛ kagbenefuliso be awɔr nɛ baa wora ashi kasawule na so kikɛ e fo ekar. Esa kama maŋ naŋ nya ayu ŋ kɔr n wora ajibi n ji ŋko n nya ŋku n wɔtɔ fitila to n chɔɔso kanyɛso.

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Nahum 3:4

Kasogberge nɛ k beeŋ ba Ninɛve so, ŋkpal kesakalea damta nɛ k bɔlɔ kumo to, nɛ kegbaya nɛ b ta m pɛ efuli damtaana so be basa ŋ ki bumo be anya na so.

Ashuŋ Shunso 8:11

Saŋɛ nɛ e daŋ fara a wora emamachisheŋ ŋana so damta na daa maŋ taga to, amoso, b daŋ bugi bumo be asoe kikɛ nna n nu kusɔ kikɛ nɛ e daŋ kaŋɛ bumo.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 17:2

Kasawule ere so be bewurgboŋ nɛ sakalechegboŋ na ji abar kesakalea so nɛ durnya ere to be basa malɛ nuu mbe kesakalea be nsa m boo.”

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

Kelaraŋŋini 18:22

Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”

Kelaraŋŋini 18:9

Kasawule so be bewura mo nɛ b ji kesakalea nseŋ naŋ tu mo n ji mbe dama na kaŋ wu edɛ mo nɛ a bee chɔɔ mo na be edishi, baaŋ boŋ to n shu anishichubi ŋkpal mo so.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.

Kelaraŋŋini 6:15

Ndoŋ nna nɛ kasawule so be bewurgboŋ nɛ bumo nɛ baa ji kuwura beko so nɛ esoji be benimu nɛ damawuraana nɛ belempo nɛ basa kikɛ, anya nɛ bumo nɛ b wɔ bumo be amu kikɛ ŋana abeelaŋana nɛ abee be afaltagboŋana to.

Kelaraŋŋini 9:21

Bumo alɛ maŋ naŋ lar bumo be kamɔ nɛ ŋkilgi nɛ kesakaleasheŋ nɛ bumo be kayu to.