Kelaraŋŋini 18:22 - EBƆRƐ BE KAWƆL

²² Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.

Kelaraŋŋini 18:22 ပူးပေါင်းရင်းမြစ်များ

Job be kawɔl 3:7

Sa maŋ naŋ shin nɛ b kurge ebi le be kachɛ fanɛ kede ere, ŋko n naŋ shin nɛ kusɔ ko e wora nɛ basa e baa wora awɔr kagbenefuli so loŋ be kanyɛ kikɛ mbaanaayɔ.

Kaŋinichiŋgeliŋ 12:4

Loŋ be jemanɛ na fo asoe maa naa nu awɔr nɛ a bee chɛ kelɔnɛ so ŋko nshɛ nɛ beche beeŋ baa kɔr asɔ abo so nsaa boŋ na nɛnɛ. Mbuibi be kushu gba beeŋ gal fo edi.

Aizaaya 23:12

Ade be kaman nɛ Enyɛnpe Ebɔrɛ na kaŋɛ Sidɔn be basa na le: “Menyi be kayurji na fo ekar. Menyi alɛ mur nna na. Hale nɛ men ŋana n shile n yɔ Saipres be kepla so gba, men kraa maaŋ nya kayurwushi ndoŋ.”

Jɛremaya 16:9

Kaŋ kusoe n nu kusɔ nɛ ma, Enyɛnpetale, Israɛl be Ebɔrɛ na kɔ nɛ ŋ kaŋɛ nseŋ kpele Juda be basa kusoe fanɛ meeŋ shin nɛ kagbenewushi nɛ kagbenefuli be nshɛ nɛ kejafɔ to be awɔr nɛ baa kaa chɛ na e fo ekar.

Jɛremaya 25:10

Ma alɛ beeŋ shin nɛ kejafɔ to be kejigboŋ nɛ kagbenefuliso be awɔr nɛ baa wora ashi kasawule na so kikɛ e fo ekar. Esa kama maŋ naŋ nya ayu ŋ kɔr n wora ajibi n ji ŋko n nya ŋku n wɔtɔ fitila to n chɔɔso kanyɛso.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Ezikɛl 26:13

Nɛ n shin nɛ nshɛ nɛ menyee boŋ a cha awɔr na e ku nɛ esa maaŋ naŋ nu menyi be ejaŋjilaŋ be kushu kikɛ.

Matiu 9:23

Kede be kaman nɛ Yesu yɔ Juwebi be enimu na pe n ya wu keeli na to be nlopifompoana na nɛ kebagato nɛ k daa wɔ basa na to na nseŋ ponte bumo so ŋ kaŋɛ: