Kelaraŋŋini 18:21 - EBƆRƐ BE KAWƆL

²¹ Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.

Kelaraŋŋini 18:21 ပူးပေါင်းရင်းမြစ်များ

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Job be kawɔl 20:8

Basa beeŋ teŋ bumo so fanɛ kananɛ baa teŋ edareana so na.

Nshɛ 37:36

Ama k maaŋ chɛr ko nɛ b foe; nɛ ŋ keni nɛ b maaŋ naa wɔtɔ.

Ɛksodɔs 15:5

Teku na ka bee baga to a buu so a ba na nɛ k muni bumo so nɛ b chul n yɔ kumo be kaseto fanɛ kejembu na.

Ezikɛl 26:21

Meeŋ shin nɛ men be kebaa maaŋ naa wɔtɔ na e baa la tɔɔnɛ nɛ k bee ta kufu a pɛ basa. Basa beeŋ fin menyi, ama b maŋ naŋ wu menyi.” Ma, Enyɛnpetale Ebɔrɛ na e kaŋɛ na.

Danɛl 11:19

Ewura na beeŋ bɛta n yɔ mo gbagba be kasawule so be kumɔlga be mboŋ lempo, ama baaŋ kɔ m pɔɔ mo so nɛ mbe asheŋ a loge kuraa!

Kelaraŋŋini 10:1

Ndoŋ nna nɛ n naŋ wu malaika lempo ko malɛ gba ka shi ebɔrɛso a ba nɛ kuwɔlpa mea mo kikɛ so nɛ kabɔrɛnyaŋgelambi ko chambɔ mbe kumu so. Mbe anishiakpa daa du fanɛ epeŋi nna nɛ mbe aya daa du fanɛ edɛ ka lara adondulombi nɛ a du fanɛ eshabɔrɛ na.

Kelaraŋŋini 12:8

Ama kusɔ gbeyeso na nɛ mbe emalaika be eleŋ daa maŋ fo Maikel nɛ mbe emalaika peya so, amoso, b daa maŋ naŋ nya kakpa ebɔrɛso n chena.

Kelaraŋŋini 16:20

Esa daa maŋ naa wu kebeegboŋ kama, nɛ kepla kama malɛ daŋ foe.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:22

Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 5:2

Ndoŋ nɛ n wu malaika lempo ko ka bee ponte awɔrso a bishi le: “Wanɛ e daga nɛ e tiŋ m bu m bu kawɔl sibɛso be tɔɔnɛ be abersobi ashunu na?”