Kelaraŋŋini 18:2 - EBƆRƐ BE KAWƆL

² E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 18:2 ပူးပေါင်းရင်းမြစ်များ

Aizaaya 14:23

Meeŋ shin nɛ Babilɔn be efuli e ki ketaŋɛsawule a pete nchu nɛ egbuŋgbula e baa wɔ ndoŋ. Meeŋ lara kumo be basa ashi kumo so fanɛ b ka ta pese n fuge bumo na. Ma, Enyɛnpetale Ebɔrɛ na e kaŋɛ na.”

Jɛremaya 25:30

Jɛremaya, fo e daga fo ber asheŋ nɛ ŋ kaŋɛ ere kikɛ be kebomboŋ n sa basa ere: ‘Enyɛnpe Ebɔrɛ na beeŋ shi ebɔrɛso m ponte awɔrso fanɛ bɔrɛ ka ponte awɔlpa to na. E beeŋ ponte m malga ŋ gbiti mbe basa fanɛ kananɛ baa beri ayu nsaa boŋ nshɛ awɔrso na. Esa kama nɛ e wɔ durnya to be kaplɛkama beeŋ nu mbe ebɔl.

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Zefanaiya 2:14

Ndoŋ beeŋ ki asɔbɔya be yiri kikɛ be edesekpa. Egbuŋgbula be yiri kikɛ beeŋ baa jɔŋɛ egbal bure so na so nsaa shu a wɔtɔ etokuro to. Baaŋ gboŋi sida be ndibi nɛ b ta m buu nwu na so na kikɛ.

Kelaraŋŋini 1:15

Mbe ayadra daa du fanɛ katishaŋ peper nna a kpa edɛ fanɛ b ka lara amo edɛ to m bel amo na nɛ mbe ebɔl malɛ daa gbri fanɛ nchu damta ka bee shile na.

Kelaraŋŋini 10:3

nseŋ wora awɔr ko fanɛ buluŋ ka munto na. E ka wora awɔr na nɛ bɔrɛ be egbri ashunu na sɔ n shuli so.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 14:15

Ndoŋ nna nɛ malaika ko malɛ lar ebɔrɛso be bɔrɛlambu na to n tre esa nɛ e daa tase kuwɔlpa na so na awɔrso ŋ kaŋɛ mo le: “Ta fo loji n teŋi asɔ, ŋkpal manɛ so, kasɔteŋi be jemanɛ fo, ŋkpal manɛ so, kasawule be asɔ nɛ baaŋ teŋi na be jemanɛ na fo.”

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”

Kelaraŋŋini 16:13

Ndoŋ nna nɛ n wu ayoyu lubi asa ko ka du fanɛ etaŋgbaga n shi kusɔ gbeyeso na nɛ kusɔbɔya juŋkparso na nɛ anebi fɛpo na be nnɔ to n lar.

Kelaraŋŋini 16:19

Nɛ kadegboŋ na barga to ntuŋ nsa so nɛ durnya to be ndegboŋ kama mur. Nɛ Ebɔrɛ nyiŋi Babilɔn lempo nseŋ ta katishaŋ mo nɛ k bɔlɔ mbe agbo damta be nsa na n sa fanɛ e nuu.

Kelaraŋŋini 17:18

Kache mo nɛ fo wu na e la kadegboŋ mo nɛ k bee ji kuwura kasawule so be bewura so na.”

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:21

Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.

Kelaraŋŋini 5:2

Ndoŋ nɛ n wu malaika lempo ko ka bee ponte awɔrso a bishi le: “Wanɛ e daga nɛ e tiŋ m bu m bu kawɔl sibɛso be tɔɔnɛ be abersobi ashunu na?”