Kelaraŋŋini 18:19 - EBƆRƐ BE KAWƆL

¹⁹ Kumo be kaman nɛ b ta shishɛr n wurge bumo be amuana so ŋkeŋ boŋ to n shu anishichubi ŋ kaŋɛ: “O kadegboŋ, asheŋ nya fo, asheŋ nya fo. Kadegboŋ ere to nɛ bekama nɛ b kɔ ekuloŋgboŋana a shuŋ tekuana so na bɔla mbe dama so n dii dama, ŋkeshin nɛ awa koŋwule to nɛ e mur kuraa!

Kelaraŋŋini 18:19 ပူးပေါင်းရင်းမြစ်များ

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Job be kawɔl 2:12

B kraa wɔ kufɔ kufɔ nna nseŋ wu Job, ama b daa maŋ pin mo. B ka ba pin fanɛ Job nna nɛ b fara a shu a boŋ to awɔrso nseŋ kpɛa bumo be asɔbuuso to nsaa wora eshishɛr a wurge bumo be amu so a ŋini fanɛ bumo be ŋgbene jija bumo.

Aizaaya 13:19

Babilɔn be kadegboŋ na e walɛ nsaa kɔ eleŋ a chɔ kadegboŋ kama. Kumo be basa bee puchi kumo so nna, ama ma, Enyɛnpe Ebɔrɛ na beeŋ mur kumo fanɛ kananɛ m mur ndegboŋ nɛ b daa tre Sodɔm nɛ Gomɔra na!

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Ezikɛl 27:30

Bumo kikɛ beeŋ shu kagbenejijaso ŋkpal fo so, Baaŋ wora eshishɛr n wurge bumo be amu so nseŋ dese nsunɔ to a melti.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”

1 Samuɛl 4:12

Kumo be kamɔnchɛ na kikɛ nɛ Bɛnjamin be kanaŋ to be enapo ko shile kena na to n yɔ Shilo. E daŋ kpɛa mbe asɔbuuso to nna nseŋ muu shishɛr n wurge mbe kumu so a ŋini kagbenejija nɛ k tɔr mo so.