Kelaraŋŋini 18:13 - EBƆRƐ BE KAWƆL

¹³ Baaŋ shu, ŋkpal manɛ so, b nyi esa kikɛ ka maaŋ naŋ tɔ bumo be ndibi be asɔrso mo nɛ basa kɔ a wora ŋku dufɛsoana na nseŋ naa nyi b ka maaŋ tɔ asɔ nɛ b kɔ a wora ŋku mɛlɛmɛlɛbi nɛ bumo be duwu nɛ mir nɛ fraŋkinsensi nɛ bumo be nsa nɛ ɔlifs be ŋku nɛ nyifu peso nɛ bumo be atuwe nɛ bumo be ana nɛ mbolpɔ nɛ egbaŋɛ nɛ egbaŋɛturkoana nɛ anya, kumo e la fanɛ basa be ayoyu gbagba na.

Kelaraŋŋini 18:13 ပူးပေါင်းရင်းမြစ်များ

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 10:15

Eyawujipo nɛ benitepo be kusɔ nɛ baa sa mo bre maŋ ti so. Areebia be efuli so be bewura nɛ Israɛl be efuli so be abonfu be gomena be benimu gba daŋ ba sa mo shuwa nna.

1 Bewura 10:25

Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

1 Kronikɛls 5:21

B ka daŋ kɔ Hagebi na kena na, b daŋ sɔ bumo enyɔma ŋgboŋ adunu nɛ mbolpɔ ŋgboŋ alfa anyɔ nɛ adunu nɛ ekurma ŋgboŋ anyɔ nseŋ pɛ basa ŋgboŋ kalfa kena na to n yɔ bumo be efuli so.

2 Kronikɛls 9:9

Ewurche na daŋ ta shuwa kilo ŋgboŋ ana nɛ abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Asɔ nɛ a kɔ efɛa belbelso kikɛ daa maŋ walɛ n fo amo nɛ Shɛba be ewurche na ta m ba sa ewura Sɔlɔmɔn na so”.

Nehemaya 5:8

An wora ania n tɔ anyi be basa nɛ b pɛ anya n yɔ efuli pɔtɛana so na m bɛta m ba. Ama naniere menyi e naa fa bumo be bedamta na, nɛ an naŋ ya tɔ bumo!” Ekrachi na nɛ bejuŋkparpoana na daa maŋ kaŋɛ shɛŋ, ŋkpal b ka nyi k kaa la kashenteŋ so.

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Aŋasa 7:17

Nseŋ ta etulale nɛ baa tre mir nɛ alowe nɛ Sinamɔn na ŋ ŋmenyaŋ kumo kikɛ so.

Sɔlɔmɔn 1:3

nɛ fo efɛa wɔ ebel ga. Fo ketre du viim nna fanɛ b ka chulgi tulale n wurge nna. Nɛ besuŋgurbi bee wu fo so.

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Sɔlɔmɔn 5:5

Nɛ ŋ koso nɛ n bugi kukuloŋ na n sa mo, nɛ etulale bee chise ma enɔ nɛ ashilbi so a do kukuloŋ na be kelagatobi so.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Ezikɛl 27:13

Fo daŋ naŋ tu Griis nɛ Tubal nɛ Mɛshɛk be efuliana so ebi n ji yawu nɛ bumo alɛ ta anya nɛ danyaŋ be asɔ ko ŋ ka fo kukɔ.

Eemɔs 2:6

Enyɛnpe Ebɔrɛ yɛ: “Israɛl be basa wora alubi n ya baŋ so, amoso abaanaaworashɛŋ meeŋ gberge bumo kusoe. Baa fa beshenteŋjipo a sɔ amansherbi nna, nsaa fa betirpo malɛ asɛbta katuŋ koŋwuleso be yawu.

Eemɔs 6:6

Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

Eemɔs 8:6

Saŋɛ mo nɛ anyeeŋ baa ta amimi a wea ayu to a fa yawu kpakpaso nsaa tɔ betentaŋasepo nɛ betirpo kesebeta be yawu ŋ ki anyi be anya.”

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

Ditɛronɔmi 28:68

N daŋ kaŋɛ menyi fanɛ men sa maŋ kaŋ bɛta n yɔ Ijipt be efuli so. Ama naniere Enyɛnpe Ebɔrɛ na gbagba beeŋ bɛta menyi n wɔtɔ nchu so be ekuloŋgboŋ to n yɔ Ijipt, nɛ men ya kaa sha kefa menyi be amu fanɛ anya nɛ esa kikɛ maaŋ tɔ menyi ndoŋ.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

Kelaraŋŋini 18:14

Baaŋ kaŋɛ mo le: “Asɔ lela mo nɛ fo daŋ ta fo kagbene n wɔtɔ fanɛ fo nya na kikɛ choŋ nna na. Fo dama nɛ fo kemaŋkura na kikɛ foe, esa kama malɛ maaŋ naŋ wu asɔ na kikɛ.”

Kelaraŋŋini 18:15

Eyawujipoana nɛ b fa asɔ na m bɔla fo so n ji yawu n dii dama na beeŋ ŋana mbe tɔrɔ na nseŋ yili kufɔ m boŋ to n shu anishichubi.