Kelaraŋŋini 18:11 - EBƆRƐ BE KAWƆL

¹¹ Kasawule so be yawujipoana malɛ gba beeŋ boŋ to nseŋ shu ŋkpal mo so, ŋkpal esa kikɛ ka maaŋ naŋ tɔ bumo be asɔ so.

Kelaraŋŋini 18:11 ပူးပေါင်းရင်းမြစ်များ

Aŋasa 3:14

Ŋkpal manɛ so kanyiasheŋ kɔ tɔnɔ a chɔ shuwa nɛ gbiti.

Aizaaya 13:19

Babilɔn be kadegboŋ na e walɛ nsaa kɔ eleŋ a chɔ kadegboŋ kama. Kumo be basa bee puchi kumo so nna, ama ma, Enyɛnpe Ebɔrɛ na beeŋ mur kumo fanɛ kananɛ m mur ndegboŋ nɛ b daa tre Sodɔm nɛ Gomɔra na!

Aizaaya 47:15

Bekpalpo nɛ menyee yɔ bumo kutɔ n ya kaa bishi so men be kebia to kikɛ m ba fo kabre na maŋ nyi kakpa nɛ baa yɔ gba, hale nɛ baa tiŋ a mɔlga menyi.”

Ezikɛl 27:9

Basa nɛ b lɔŋɛ nchu so be ekuloŋgboŋ na la basa nɛ b koya kushuŋ na nɛnɛ nna nseŋ shi kadegboŋ nɛ baa tre Biblɔs na. Basa nɛ baa shuŋ nchu so kikɛ bee ba kaa tu fo ashi Tayɛ nna a ji yawu.

Zefanaiya 1:11

Menyi nɛ men wɔ kegbɛto be kebonfu so na e baa boŋ to a shu ga, ŋkpal manɛ so, menyi be eyawujipoana maŋ naa wɔtɔ. Bekama nɛ baa ta gbiti a ji yawu na beeŋ mur cheche.

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Matiu 22:5

Ama basa na daŋ kplaŋ ketre na so nna. Ede yɔ mbe ndɔ to nɛ ede malɛ choŋ mbe kushuŋ to.

Baru lela nɛ Jɔn kute na 2:16

Kumo be kaman nɛ e kilgi ŋ kaŋɛ alifapoana na le: “Men ta amo n lar nfe. Men sa maŋ ta n Tuto pe a ki kebɛ.”

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

Kelaraŋŋini 18:15

Eyawujipoana nɛ b fa asɔ na m bɔla fo so n ji yawu n dii dama na beeŋ ŋana mbe tɔrɔ na nseŋ yili kufɔ m boŋ to n shu anishichubi.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”

Kelaraŋŋini 18:9

Kasawule so be bewura mo nɛ b ji kesakalea nseŋ naŋ tu mo n ji mbe dama na kaŋ wu edɛ mo nɛ a bee chɔɔ mo na be edishi, baaŋ boŋ to n shu anishichubi ŋkpal mo so.