Kelaraŋŋini 17:9 - EBƆRƐ BE KAWƆL

⁹ Kede bre la kagbene mo nɛ k kɔ kanyiasheŋ be demu nna. Amu ashunu na la abeebi ashunu mo nɛ kache na tase so nna, nɛ amo alɛ la bewurgboŋ ashunu.

Kelaraŋŋini 17:9 ပူးပေါင်းရင်းမြစ်များ

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Kelaraŋŋini 13:1

Ndoŋ nna nɛ n naŋ wu kusɔbɔya gboŋgboŋi ko ka shi teku to a lar a kɔ alambɛ kudu nɛ amu ashunu nɛ nwurwuro kudu wɔ mbe alambɛana na so. Amu na malɛ be kekama so b daŋ sibɛ ketre mo nɛ k bee ji Ebɔrɛ emɔrɔ nna n deŋi kumo so.

Kelaraŋŋini 13:18

Kede bre la kanyiasheŋ be asheŋ nna. Ekama malɛ nɛ e kɔ nfɛra e pin kusɔbɔya na be lamba na to, ŋkpal manɛ so, k la dimɛdi be lamba nna. Lamba na e la alfa ashe nɛ adeshe nɛ ashe.

Kelaraŋŋini 17:18

Kache mo nɛ fo wu na e la kadegboŋ mo nɛ k bee ji kuwura kasawule so be bewura so na.”

Kelaraŋŋini 17:3

Kede be kaman nɛ malaika na keta ma kiyoyu to n yɔ kiyi to, ndoŋ nɛ n ya wu kache ko nɛ e tase kusɔbɔya peper ko so nɛ b sibɛ kabɔrɛtegeso be atre n deŋi kusɔbɔya na kikɛ so. Kusɔbɔya na daa kɔ amu ashunu nɛ alambɛ kudu nna.

Kelaraŋŋini 17:7

Ndoŋ nna nɛ malaika na kaŋɛ ma: “Manɛ e ba nɛ kesheŋ ere wora fo kanaŋ ko loŋ? Meeŋ bugi kache na nɛ kusɔbɔya nɛ e bee dii nɛ e kɔ amu ashunu nɛ alambɛ kudu na be wulo be kesheŋ na to ŋ ŋini fo.