Kelaraŋŋini 17:4 - EBƆRƐ BE KAWƆL

⁴ Kache na daŋ buu jilmaso be wajɛ peper kunɔkunɔ nɛ wajɛ peper soo nna nɛ shuwa nɛ ajembubi lela nɛ amo be yawu du kpakpa na nɛ abitasɔ kikɛ wɔ mo so a nyɛkpɛ palpal. E daa kɔ shuwa be kawiebi mo nɛ k bɔlɔ alemaŋkar be alubi be asɔ nɛ kesakalea be eyurpi to nna.

Kelaraŋŋini 17:4 ပူးပေါင်းရင်းမြစ်များ

1 Bewura 14:24

B daa kɔ beche nɛ benyɛn be esakale kakpa nɛ baa shuŋ agbir na nna, nɛ Judaebi na daa wora ekishi be asheŋ nɛ basa nɛ Enyɛnpe Ebɔrɛ daŋ ju kasawule na so dra dra, saŋɛ so nɛ Israɛlebi na daa ba nɛ b ba chena kumo so na, daa wora na nna.

2 Bewura 21:2

Manase daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ e ta kasawule na n sa mbe basa Israɛlebi sososo na be asheŋ nɛ Ebɔrɛ kishi ga na so.

Ɛzra 9:11

mbra nɛ fo bɔla anebiana nɛ b daa la fo mbɔ na so n nase n sa anyi na so. B daŋ kaŋɛ anyi fanɛ kasawule nɛ an daa yɔ nɛ an ya chena so na la kakpa nɛ eyurpisheŋ daa shi nna. Ŋkpal manɛ so, basa nɛ b daa wɔ kumo so na daa wɔ mbushusheŋ nɛ eyurpisheŋ be kebaawɔtɔ to nna.

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Jɛremaya 51:7

Babilɔn daa du fanɛ shuwa be kawiebi nɛ ma, Enyɛnpe Ebɔrɛ na be agbo daŋ bɔlɔ kumo nna, nɛ k shin nɛ durnya be efuli kikɛ so be basa nuu kawiebi na to m boo nseŋ daa wora asheŋ fanɛ b ka bee lɔ eboŋ na.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Ezikɛl 20:30

Amoso kaŋɛ Israɛl be basa na fanɛ kusɔ nɛ Enyɛnpetale Ebɔrɛ bee bishi e la fanɛ, manɛ e baa nɛ menyeeŋ jija menyi be amu nɛ kebaawɔtɔ fanɛ kananɛ men tutoana daŋ wora na nsaa shuŋ bumo be agbirana nɛ amo be asheŋ bee nu agbo na?

Ezikɛl 24:11

Kumo be kaman nɛ fo ta danyaŋ be kadaŋɛ fuloŋ na m bɛ ajanwulɛ so hale nɛ k ya bel m pere, saŋɛ na so kumo be kananɛ k kreŋ so na beeŋ chɔɔ m mur nɛ k naŋ nyalɛ so.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Ezikɛl 28:13

K daa du fanɛ Ebɔrɛ be kudɔbi nɛ baa tre Iden na to nɛ fo daa wɔ. Yawu kpakpaso be asɔ lela nyɛkpɛso be yiri yiri fanɛ shuwa be abitasɔ nɛ fo daa ta a mɛa to. Kachɛ nɛ b kurge fo na nɛ b bela amo kikɛ ase n sa fo.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Danɛl 11:38

Ama e beeŋ ta bunyaŋ n sa kegbir nɛ k bee kuŋ kumɔlga be mboŋ na. E beeŋ ta shuwa nɛ gbiti nɛ abitasɔ nɛ asɔ lela ko n ya sa kegbir nɛ mo nananyɛnana maŋ naŋ shuŋ kikɛ.

Hoziya 9:10

Enyɛnpe Ebɔrɛ yɛ: “Saŋɛ nɛ n fara n wu Israɛlebi na, b daa du nna fanɛ esa ka ya wu asɔrso nɛ baa tre greep ashi keshishɛrsawule so na. Saŋɛ nɛ n wu men nananyɛnana na, b daa du nna fanɛ esa ka wu figi be kedibi ka fara a futi na. Ama b ka ba kebeegboŋ nɛ baa tre Piyɔɔ na ase m ba ta bumo be kumu n sa kegbir nɛ baa tre Baal na, nɛ n fara ŋ kishi bumo alegaiso fanɛ kananɛ ŋ kishi kegbir na gbagba na.

Ditɛronɔmi 29:17

Men daŋ wu bumo be agbirana nɛ b ta ndibi ŋko ajembu ŋko shuwa ŋko gbiti n lɔŋɛ. An ka daŋ wu amo kenishiso na gba k daa la ekishi nna n sa anyi.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”

Kelaraŋŋini 18:12

B nyi esa kikɛ ka maaŋ naŋ tɔ bumo be eshuwa nɛ egbiti nɛ ajembubi lela nɛ amo be yawu du kpakpa na nɛ abitasɔ nɛ ewajɛ fuful lela nɛ jilmaso be ewajɛ peper kpaw nɛ ago be ewajɛ nɛ ewajɛ peper kunɔkunɔ nɛ ndibi be nnaŋ to nɛ amo be efɛa wɔ ebel nɛ asɔ nɛ b ta ejebotenyi n lɔŋɛ nɛ asɔwurbi kikɛ nɛ b ta yawu kpakpaso be ndibi ŋko ntishaŋ peper ŋko abɛlsoana ŋko awarabi lelaana n lɔŋɛ.

Kelaraŋŋini 18:16

Baaŋ boŋ to ŋ kaŋɛ le: “O kadegboŋ, asheŋ nya fo, asheŋ nya fo, fo nɛ fo daa buu asɔ fuful lela nɛ jilmaso be ewajɛ peper kpaw nɛ ewajɛ peper kunɔkunɔ nseŋ daŋ ta eshuwa nɛ ajembubi lela nɛ amo be yawu du kpakpa na nɛ abitasɔ a mea fo eyur kikɛ so na, ama keni, awa koŋwule to nɛ loŋ be dama damta na kikɛ mur na.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Kelaraŋŋini 21:21

Mbuna kuduanyɔ na daa la asɔ nɛ baa tre apɛl na nna. Pɛɛl koŋwule nɛ b daŋ ta n lɔŋɛ kabuna na be kekama. Kadegboŋ na be kubɔrbi daa la shuwa gbagba nna a wu to fanɛ digi.

Kelaraŋŋini 9:21

Bumo alɛ maŋ naŋ lar bumo be kamɔ nɛ ŋkilgi nɛ kesakaleasheŋ nɛ bumo be kayu to.