Kelaraŋŋini 17:10 - EBƆRƐ BE KAWƆL

¹⁰ Bumo be benu maŋ naa wɔtɔ nɛ ekoŋwule kraa wɔtɔ nɛ a ka ekoŋwule nɛ e lar. Mo alɛ kaŋ ba, a daga fanɛ e chena gbrɛbi.

Kelaraŋŋini 17:10 ပူးပေါင်းရင်းမြစ်များ

Aizaaya 23:15

Jemanɛ ko bee ba nɛ b teŋ Tayɛ be kadegboŋ so n ya fo nfɛ adushunu. Nfɛ nɛ ewura bee ji durnya to nna. Nfɛ adushunu ere be kaman, Tayɛ beeŋ ki fanɛ sakaleche nɛ kashɛ ere bee ji mbe asheŋ ere:

Kelaraŋŋini 10:11

Ndoŋ nna nɛ b naŋ kaŋɛ ma le: “A daga fanɛ fo naŋ lɔŋɛ n wu abɔrɛsheŋ ŋ kaŋɛ basa damta nɛ efuliana so ebi damta nɛ ŋgbarana to ebi damta nɛ bewura damta be asheŋ.”

Kelaraŋŋini 13:12

E daŋ ta kusɔbɔya juŋkparso na be eleŋ kikɛ nna n wora asheŋ ashi mbe anishito nseŋ shin nɛ kasawule nɛ kumo be basa e maŋ kusɔbɔya juŋkparso nɛ b daŋ chɛ mbe doro mo nɛ k daa beeŋ tiŋ m mɔ mo na so.

Kelaraŋŋini 13:3

Kusɔbɔya na be amu na be kuko daa du fanɛ k ka daŋ nya doro mo nɛ k beeŋ tiŋ m mɔ mo nna, ama b daŋ chɛ loŋ be doro na, nɛ mamachi pɛ durnya kikɛ nɛ b bɛ kusɔbɔya na so.

Kelaraŋŋini 17:11

Kusɔbɔya mo nɛ e daa wɔ ŋkpa to ŋkaa maŋ naa wɔtɔ na e la ewura burwasopo. E la beshunu mo nɛ b fara m ba na to be eko nna a yɔ nɛ e ya mur.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.