Kelaraŋŋini 16:9 - EBƆRƐ BE KAWƆL

⁹ Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

Kelaraŋŋini 16:9 ပူးပေါင်းရင်းမြစ်များ

2 Bewura 6:33

E kraa malga nna nɛ kabɔ na ba luri ŋ kaŋɛ le: “Enyɛnpe Ebɔrɛ na e bar le be kasogberge ere anyi so. Manɛ nna nɛ an naa jo mo fanɛ e wora kusɔ ko?”

2 Kronikɛls 28:22

Ewura Ahaz ka luri etɔrɔ damta ere to be kaman, nɛ e naaŋ wora alubi ŋ gbiti Enyɛnpe Ebɔrɛ na ga a chɔ sososo na gba.

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 8:21

Baaŋ ta ebesa damta a nite a kulti nɛ akoŋ e pɛ bumo ga hale nɛ b shoduu bumo be ewura nɛ agbirana agbo so.

Jɛremaya 13:6

Jemanɛ ko ka fo nɛ Enyɛnpe Ebɔrɛ na kaŋɛ fanɛ n ya lara edɔkɔri na ashi Yufreetes be Lɔrgboŋ na ase.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Luuk 13:3

Ayai, ma e kaŋɛ menyi na fanɛ nɛ menyi maŋ lar menyi be alubi to, menyi alɛ gba kikɛ beeŋ mur.

Luuk 13:5

Ayai, ma e kaŋɛ menyi na fanɛ nɛ menyi maŋ lar menyi be alubi to, menyi alɛ gba beeŋ mur.”

2 Kɔrintebi 12:21

Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 14:7

Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”

Kelaraŋŋini 16:21

Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.

Kelaraŋŋini 2:21

N sa mo saŋɛ nɛ e lar mbe alubi to, ama e maa sha kelar mbe kesakalea na to.

Kelaraŋŋini 9:20

Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.