Kelaraŋŋini 16:21 - EBƆRƐ BE KAWƆL

²¹ Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.

Kelaraŋŋini 16:21 ပူးပေါင်းရင်းမြစ်များ

Job be kawɔl 38:22

Fo daŋ yɔ mboŋ nɛ mee yili abɔrɛjembubi nɛ kunyɔlɔ a?

Job be kawɔl 38:23

N yili amo nna a jo kebagato be jemanɛ nɛ jemanɛ nɛ meeŋ gberge efuliana na kusoe.

Ɛksodɔs 9:18

Amoso echefo, saŋɛ ere so gbagba meeŋ shin nɛ abɔrɛjembubi gbɛgbɛso be bɔrɛ e tɔr kasawule ere so. Loŋ be abɔrɛjembubi na beeŋ baa la asɔ nɛ b maŋ naŋ wu amo be kaduli ashi Ijipt kikɛ yili kachɛ nɛ k jɔŋɛ m ba fo mbre.

Ɛksodɔs 9:22

Ndoŋ nna nɛ Enyɛnpe Ebɔrɛ kaŋɛ Mosis le: “Teŋi fo enɔ ŋ ŋini awɔlto nɛ abɔrɛjembubi gbɛgbɛso na e tɔr edimɛdi nɛ asɔbɔya nɛ asɔ duuso nɛ a wɔ Ijipt be kasawule so na kikɛ so.”

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Aizaaya 8:21

Baaŋ ta ebesa damta a nite a kulti nɛ akoŋ e pɛ bumo ga hale nɛ b shoduu bumo be ewura nɛ agbirana agbo so.

Ezikɛl 13:11

Kaŋɛ anebiana na fanɛ bumo be egbal na beeŋ tɔr. Abɔrɛjembubi beeŋ tɔr kumo so nɛ afugboŋ e ber kumo so

Ezikɛl 13:13

To, egbal na e la Jerusalɛm be kadegboŋ na. Kusɔ nɛ ma, Enyɛnpetale Ebɔrɛ na kaŋɛ nde: “Meeŋ kaa agbo ga n shin nɛ afugboŋ nɛ bɔrɛgboŋ nɛ abɔrɛjembubi a bure egbal na.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 16:11

nseŋ malga ŋ gbiti Ebɔrɛ nɛ e wɔ ebɔrɛso na. B daŋ wora loŋ nna ŋkpal bumo be ebesa na nɛ bumo be achuuana na so so, ama b daŋ kini kelar bumo be alubi mo nɛ b daŋ wora na bre to.

Kelaraŋŋini 16:9

Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.