Kelaraŋŋini 16:19 - EBƆRƐ BE KAWƆL

¹⁹ Nɛ kadegboŋ na barga to ntuŋ nsa so nɛ durnya to be ndegboŋ kama mur. Nɛ Ebɔrɛ nyiŋi Babilɔn lempo nseŋ ta katishaŋ mo nɛ k bɔlɔ mbe agbo damta be nsa na n sa fanɛ e nuu.

Kelaraŋŋini 16:19 ပူးပေါင်းရင်းမြစ်များ

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 17:1

Ndoŋ nna nɛ emalaika ashunu mo nɛ b daa kɔ ntishaŋ ashunu na be eko ba ŋ kutɔ m ba kaŋɛ ma: “Ba nɛ ŋ ŋini fo kananɛ baaŋ gberge sakalechegboŋ na kusoe. Mo e chena nchu damtaana so na.

Kelaraŋŋini 17:18

Kache mo nɛ fo wu na e la kadegboŋ mo nɛ k bee ji kuwura kasawule so be bewura so na.”

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 18:21

Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.

Kelaraŋŋini 18:5

Ŋkpal manɛ so, mbe alubi dii n deŋi abar so nna n ya fo ebɔrɛso nɛ Ebɔrɛ malɛ bee nyiŋi mbe alubi na kikɛ.