Kelaraŋŋini 16:16 - EBƆRƐ BE KAWƆL

¹⁶ Ndoŋ nna nɛ ayoyu na bar bewura abar so ashi kakpa nɛ Hibruwebi bee tre Aamagɛdɔn na.

Kelaraŋŋini 16:16 ပူးပေါင်းရင်းမြစ်များ

2 Kronikɛls 35:22

Ama ewura Josaya bre daŋ baa yili kena na be kekɔ so nna. E daŋ kini kenu kusɔ nɛ Ebɔrɛ bɔla ewura Neeko so ŋ kaŋɛ na nna nseŋ chɛrga mbe asɔbuuso n yɔ Magido be kepla na so n ya kɔ ewura Neeko kena.

Zakareya 12:11

Kushu nɛ k beeŋ baa wɔ Jerusalɛm to loŋ be kamɔnchɛ na beeŋ baa shi pasaa. K beeŋ baa du fanɛ b ka daa shu Hadad Rimɔn be keeli ashi Megido be keplasawule so na nna.

Baru lela nɛ Jɔn kute na 19:13

Pailat ka nu loŋ na nɛ e keta Yesu n lar lambu na to m ba kelɔnɛ so m ba chena demujipowura be echenakpa nɛ baa tre Demuji be Guŋgɔni na. Juwebi be ŋgbar to baa tre kumo Gabata.

Baru lela nɛ Jɔn kute na 19:17

Ndoŋ nna nɛ esoji na keta Yesu n lar n choŋ. B daŋ shin nɛ e lar ndoŋ nna n sulɔ mbe kedibi largato m ba fo kakpa nɛ baa tre Kumuwibi be Kakpa na. Juwebi bee tre ndoŋ Gɔlgata.

Baru lela nɛ Jɔn kute na 5:2

Kepa ko malɛ kɔ adɛdɛ anu a wɔ Jerusalɛm a mata kakpa nɛ baa tre Mbolpɔ be Kabuna na. Hibruwebi be ŋgbar to kepa na nɛ baa tre Betɛsda.

Ashuŋ Shunso 26:14

Ndoŋ nna nɛ anyi kikɛ tɔr kasawule nɛ n nu ebɔl ko ka bee bishi ma Hibruw to: ‘Sɔɔl, Sɔɔl, manɛ e ba nɛ fee tɔrɔ ma? Fo gbagba be kumu nɛ fee doro fanɛ kananɛ kena bee to keya a sela mo nyɛnpe be kekpabi a doro mo gbagba be kumu na.’

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 9:11

Bumo be ewura mo nɛ e daa ji kuwura bumo so daa la kemaŋ nɛ k maŋ kɔ ekar nɛ baa tre kumo Abis na to be malaika nna nɛ Hibruwebi bee tre mo Abadɔn nɛ Griikebi malɛ bee tre mo Apɔliɔn.

Demujipoana 4:7

Meeŋ leŋ Sisɛra nɛ e la ewura Jabin be benapo be enimu na to nɛ e ta mbe egbaŋɛturko nɛ benapo m ba nɛ e ba kɔ menyi kena ashi lɔr nɛ baa tre Kishɔn na ase, ama ma alɛ beeŋ shin nɛ men pɔɔ mo so ndoŋ.”

Demujipoana 5:19

Keenan be bewura kɔ anyi kena ashi kade nɛ baa tre Taanak nɛ k mata kabombi nɛ k dese kade nɛ baa tre Mɛgido na nna; ama bumo alɛ maŋ tiŋ ŋ kɔ n suge anyi be gbiti gba.