Kelaraŋŋini 16:15 - EBƆRƐ BE KAWƆL

¹⁵ “Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Kelaraŋŋini 16:15 ပူးပေါင်းရင်းမြစ်များ

Ɛksodɔs 32:25

Ndoŋ nna nɛ Mosis wu fanɛ Ɛɛrɔn e shin nɛ basa na nya bumo be aparsheŋ nseŋ ta bumo be amu n wora jenfembi ashi bumo doŋana be anishito.

Aizaaya 47:3

Basa beeŋ wu men be kesaria nseŋ wu kananɛ men ba kaseto n ji anishinyɔr. Meeŋ gberge Babilɔn be basa kikɛ kusoe ŋkpal bumo be alubi so, nɛ esa kikɛ maaŋ tiŋ ŋ kuŋ ma ekpa.”

Ezikɛl 16:37

meeŋ gama fo jipoana nɛ fee sha nɛ bumo nɛ fo kishi kikɛ abar so. Nseŋ shin nɛ b yili ŋ kulti fo nɛ n delge fo so bumo kikɛ be anishito nɛ b wu fo kayurkpaŋ.

Hoziya 2:3

Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na. Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ. Achukoŋ malɛ e naŋ mɔ mo.

Habakuk 2:15

Asheŋ maaŋ nyalɛ n sa menyi nɛ menyee kaa sa menyi braana nsa nɛ baa nuu a boo a baŋ so nsaa ŋaba bumo be amu nɛ menyee keni bumo be kesaria na.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Matiu 26:41

Men baa da so a kule Ebɔrɛ fanɛ men maaŋ luri kechɔŋkeni to. Kiyoyu na bre bee sha, eyur na e maŋ kɔ eleŋ.”

Maak 14:38

Men baa da so a kule Ebɔrɛ fanɛ men maaŋ luri kechɔŋkeni to. Kiyoyu na bre bee sha, eyur na e maŋ kɔ eleŋ.”

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

2 Kɔrintebi 5:3

Ŋkpal manɛ so, nɛ an baŋ buu kusɔbuuso na, an maaŋ naŋ delge so a wɔtɔ.

1 Tɛsalɔnikaebi 5:4

Ama bekurgepoana, menyi alɛ maŋ wɔ tentembiri to, amoso, men sa maŋ shin nɛ kachɛ na e purgi menyi fanɛ eyu.

1 Tɛsalɔnikaebi 5:6

Amoso, men sa maŋ shin nɛ an baa di fanɛ basa pɔtɛ. Men shin nɛ an baa keni a keta anyi be amu nɛnɛ.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

2 Pita 3:10

Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.

Kelaraŋŋini 22:7

Yesu yɛ: ‘Men keni, m maaŋ naŋ chɛr nseŋ ba. Kagbenefuli beeŋ baa la ekama nɛ e bee ta mmalgawuŋkaŋɛ nɛ a wɔ kawɔl ere to ere a wɔtɔ mbe kagbene to peya nna.’ ”

Kelaraŋŋini 3:11

M maaŋ naŋ chɛr nseŋ ba, men baa kɔ kusɔ nɛ men tea kɔ to na to kpakpa nɛ esa kikɛ e sa maŋ tiŋ n sɔ men be kekɔmpɔɔso be tɔnɔ.

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.