Kelaraŋŋini 16:12 - EBƆRƐ BE KAWƆL

¹² Nɛ malaika shesopo na malɛ ta mbe katishaŋ nɛ agbo na n chulgi n wurge lɔrgboŋ nɛ baa tre Yufreetes na so nɛ kumo be nchu kikɛ feeto nɛ k wɔl n lɔŋɛ ekpa a dese a jo bewura mo nɛ b shi bɔrɛfito na.

Kelaraŋŋini 16:12 ပူးပေါင်းရင်းမြစ်များ

Aizaaya 11:15

Kumo be kaman nɛ Enyɛnpe Ebɔrɛ na e shin nɛ Teku Peper na be keyabi nɛ k mata Ijipt na e wɔlto nseŋ shin nɛ afu tushiso e ba shin nɛ lɔrgboŋ nɛ baa tre Yufreetes na gba e wɔlto ŋ ka mbombi wurbi ashunu nawule. Saŋɛ na so ekama beeŋ tiŋ n nite m bɔla kumo to n choŋ.

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Aizaaya 42:15

Meeŋ mur abeebi nɛ abeegboŋ nseŋ shin nɛ ndibi nɛ afitiri e wɔl. Meeŋ shin nɛ elɔr nɛ mbombi e wɔl to nɛ apa e feeto.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Aizaaya 46:11

Mee tre esa ko nna nɛ e shi epeŋilarkpa, m ba manaŋ fanɛ kusore ka fuu kusɔ na. E beeŋ ba wora kusɔ nɛ mee sha n sa ma. Kusɔ nɛ ma, Enyɛnpe Ebɔrɛ na kaŋɛ, e naaŋ wora.

Aizaaya 8:7

Ma, Enyɛnpe Ebɔrɛ na, beeŋ shin nɛ Asiriya be ewurgboŋ nɛ mbe benapo kikɛ e ba kɔ Juda be basa. Asiriyaebi na beeŋ ba buu bumo so fanɛ Lɔrgboŋ nɛ baa tre Yufreetes na ka bɔlɔ n dii kumo be kepla kikɛ so na.

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

Kelaraŋŋini 11:14

‘Asheŋ maaŋ nyalɛ n sa basa’ nyɔsopo be saŋɛ na choŋ nna na, a ka gbrɛbi nɛ kesasopo e ba.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.

Kelaraŋŋini 7:2

Ndoŋ nna nɛ n naŋ wu malaika ko ka shi bɔrɛfito a ba nsaa kɔ Ebɔrɛ mo nɛ e wɔ ŋkpa to na be tɔɔnɛ be kebersobi to. Nɛ e tre emalaika ana nɛ b ta eleŋ m bɔɔ bumo enɔ na fanɛ b tɔrɔ kasawule ere nɛ eteku na awɔrso

Kelaraŋŋini 9:14

ŋ kaŋɛ malaika shesopo nɛ e daa kɔ kabel to na le: “Shin nɛ emalaika ana mo nɛ b kre lɔrgboŋ nɛ baa tre Yufreetes akpa na e nya bumo be amu n yɔ.”