Kelaraŋŋini 16:11 - EBƆRƐ BE KAWƆL

¹¹ nseŋ malga ŋ gbiti Ebɔrɛ nɛ e wɔ ebɔrɛso na. B daŋ wora loŋ nna ŋkpal bumo be ebesa na nɛ bumo be achuuana na so so, ama b daŋ kini kelar bumo be alubi mo nɛ b daŋ wora na bre to.

Kelaraŋŋini 16:11 ပူးပေါင်းရင်းမြစ်များ

2 Kronikɛls 28:22

Ewura Ahaz ka luri etɔrɔ damta ere to be kaman, nɛ e naaŋ wora alubi ŋ gbiti Enyɛnpe Ebɔrɛ na ga a chɔ sososo na gba.

2 Kronikɛls 36:23

“Ma Sairus nɛ n la Pɛshiya be efuli so be ewurgboŋ na e naa kaŋɛ menyi le na fanɛ Enyɛnpe Ebɔrɛ nɛ e wɔ ebɔrɛso na e ta durnya ere kikɛ be kuwura m buu ma nseŋ ta bɔrɛlambu na be kepɔr ashi Jerusalɛm nɛ k wɔ Juda be efuli so na be kushuŋ n sa ma. Amoso, menyi bekama nɛ men la Ebɔrɛ be basa na e yɔ n ya lɔŋɛ bɔrɛlambu na m pɔr. Enyɛnpe menyi be Ebɔrɛ na e baa wɔ menyi kutɔ.”

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Ɛzra 6:10

Loŋ e naŋ shin nɛ b lara esarga nɛ a beeŋ par Ebɔrɛ nɛ mo alɛ e nɛfa ma nɛ ma kaman to ebi kikɛ.

Ɛzra 7:12

“Ma, ewurgboŋ Atazɛzɛs, e naa sibɛ kawɔl ere a sa fo, Ɛzra, nɛ fo la bɔrɛmatapo nɛ Ebɔrɛ nɛ e wɔ ebɔrɛso na be mbra ŋinipo na. Fo kechɔrɔ nde!

Ɛzra 7:21

Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Ɛzra 7:23

Kusɔ kama nɛ Ebɔrɛ nɛ e wɔ ebɔrɛso na baŋ kaŋɛ fanɛ e bee sha, a daga fanɛ b wora kumo kananɛ e bee sha na manaŋ manaŋ n sa mo. Men sa maŋ shin e nya agbo n wɔtɔ ma ŋko bekama nɛ baaŋ ba ma kaman na.

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 2:4

Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 16:2

Nɛ malaika juŋkparso na ta mbe katishaŋ nɛ agbo na n chulgi n wurge kasawule so nɛ achuu lubi besaso ko ba basa nɛ b kɔ kusɔbɔya na be ndulgi nɛ bumo nɛ b maŋ kumo be kaduli so na so.

Kelaraŋŋini 16:21

Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.

Kelaraŋŋini 16:9

Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

Kelaraŋŋini 2:21

N sa mo saŋɛ nɛ e lar mbe alubi to, ama e maa sha kelar mbe kesakalea na to.