Kelaraŋŋini 16:10 - EBƆRƐ BE KAWƆL

¹⁰ Malaika nasopo na be kaman nɛ enusopo na malɛ ta mbe katishaŋ nɛ agbo na n chulgi n wurge kusɔbɔya na be kuwurputi so, nɛ mbe kakpa nɛ e bee ji kuwura kikɛ ki tentembiri gbrum nɛ basa duŋ bumo be adonduloŋ ebesa so ga

Kelaraŋŋini 16:10 ပူးပေါင်းရင်းမြစ်များ

Nshɛ 78:49

Ebɔrɛ daŋ nya agbo nna nɛ mbe kagbene koso bumo so ga, fanɛ luwu be mbɔ damta ka mel abar so na.

Matiu 13:42

n lɛ edɛ wuloŋwuloŋ to. Ndoŋ nɛ basa wɔtɔ a shu nsaa we anyi to na.

Matiu 13:50

Ndoŋ nɛ basa wɔtɔ a shu nsaa we anyi to na.”

Matiu 22:13

Ndoŋ nna nɛ ewura na kaŋɛ mbe nyɛrbi le: ‘Men kre mbe enɔ nɛ aya nseŋ ta mo ŋ kpa kowu, tentembiri to plɔ. Ndoŋ nɛ basa wɔtɔ a shu nsaa we anyi to na.’

Matiu 24:51

Enyɛnpe na malɛ ba tu mo loŋ, e beeŋ kuya mo so m bɛlɛ to nseŋ shin nɛ e yɔ kakpa nɛ kebirkɔnshiwuraana bee yɔ na. Ndoŋ nɛ basa wɔtɔ a shu nsaa we anyi to na.”

Matiu 8:12

nɛ Ebɔrɛ e ta basa nɛ b daŋ daga keluri kuwura na to na n lar n lɛ n wɔtɔ tentembiri to plɔ. Ndoŋ nɛ basa wɔtɔ a shu nsaa we anyi to na.”

Luuk 13:28

Saŋɛ na so, menyeeŋ wu Eebraham nɛ Aizek nɛ Jeekɔb nɛ anebiana na kikɛ ashi Ebɔrɛ be kuwura na to, ama menyi alɛ maaŋ nya n luri. Ndoŋ nɛ menyeeŋ shu nseŋ we anyi to.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

Kelaraŋŋini 11:2

Ama sa maŋ ta kusɔ kargaso na ŋ karga lambu na be laŋ na bre, ŋkpal manɛ so, b ta ndoŋ nna n sa nnyamase, bumo alɛ beeŋ nɔkɔr kadegboŋ cheembi na to afɔl adena nɛ anyɔ.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 17:17

Ŋkpal manɛ so, Ebɔrɛ ta kusɔ nɛ e bee sha nɛ k wora na n wɔtɔ bumo be ŋgbene to nɛ baa sha kewora loŋ. Bumo kikɛ beeŋ nya kɔnɔkoŋwule n ta bumo be eleŋ n sa kusɔbɔya na nɛ e ji kuwura loŋ hale nɛ Ebɔrɛ be kɔnɔ e ya bɔla.

Kelaraŋŋini 17:9

Kede bre la kagbene mo nɛ k kɔ kanyiasheŋ be demu nna. Amu ashunu na la abeebi ashunu mo nɛ kache na tase so nna, nɛ amo alɛ la bewurgboŋ ashunu.

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 18:21

Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.

Kelaraŋŋini 9:2

Kechɛkpabi na ka bugi kemaŋ nɛ k maŋ kɔ ekar na nɛ edishi lar fanɛ a ka shi edɛgboŋ ko to na. Nɛ epeŋi nɛ awɔlpa kikɛ biri to ŋkpal edishi mo nɛ a shi kemaŋ na to so.