Kelaraŋŋini 15:8 - EBƆRƐ BE KAWƆL

⁸ Ade be kaman nɛ edishi shi Ebɔrɛ be kemaŋkura to nɛ mbe eleŋ to n sɔ bɔrɛlambu na kikɛ to nɛ esa kikɛ malɛ daa maŋ tiŋ n luri bɔrɛlambu na to hale nɛ emalaika ashunu na be etɔrɔ ashunu na ya loge.

Kelaraŋŋini 15:8 ပူးပေါင်းရင်းမြစ်များ

Nshɛ 29:9

Enyɛnpe Ebɔrɛ be kamalga e naa shin nɛ ndibigboŋ bee gbuŋgbuŋ to; nɛ kupo to be ndibi be afantaŋ bee chuge a tɔr; nɛ basa nɛ b wɔ mbe bɔrɛlambu na to bee ponte a kaŋɛ fanɛ kemaŋkura e baa la Enyɛnpe Ebɔrɛ peya.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Aizaaya 6:4

Asɔbɔya keniso na be ebɔl be awɔr na daŋ shin nɛ bɔrɛlambu na be gbaltɔlase daa gbuŋgbuŋ nna, nɛ edishi malɛ sɔ kumo kikɛ to.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Nfabel 3:44

K du fanɛ fo ka wɔ awɔlpa be egbal be kaman nna nɛ kabɔrɛkule maaŋ tiŋ m bɔl kumo to n fo fo kutɔ.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Kelaraŋŋini 15:1

Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.

Kelaraŋŋini 21:11

Nɛ kadegboŋ na kikɛ sɔ Ebɔrɛ be kemaŋkura a nyɛkpɛ so palpal fanɛ kejembubi mo nɛ baa tre jaspa nɛ k bee wu to fanɛ abɔrɛjembubi na.