Kelaraŋŋini 15:5 - EBƆRƐ BE KAWƆL

⁵ Kede be kaman nɛ ŋ keni n wu shɛda be wajɛbu na be bɔrɛlambu ka bugi a yil ebɔrɛso.

Kelaraŋŋini 15:5 ပူးပေါင်းရင်းမြစ်များ

Ɛksodɔs 25:21

Ade kikɛ be kaman nɛ b ta ajembu pantraŋ pantrambi anyɔ nɛ ma mbraana deŋi so na n wɔtɔ deka na to nseŋ ta buuso nɛ baa tre kuwɔr be kakpa na m buu so.

Ɛksodɔs 38:21

Besalɛl nɛ e la Uri pibinyɛn nseŋ naa la Hur nɛ e shi Juda be kanaŋ to na mo nanabi na e wora kusɔ kama nɛ Enyɛnpe Ebɔrɛ kaŋɛ Mosis na kikɛ. Esa nɛ e daŋ chɛ mo to e daa la Oholiab nɛ e la Ahisamak nɛ e shi Dan be kanaŋ to na pibinyɛn nɛ e kɔ enɔ to be kushuŋ be kenyi a tiŋ a ta ago be ejese lela nɛ ejese buru nɛ apeper kpaw nɛ apeper kunɔkunɔ a lue ŋko a jɔ. Asɔ nɛ b daŋ ta n lɔŋɛ Ebɔrɛ be wajɛbu nɛ kɔnɔkoŋwule be ŋkre be deka na nɛ asɔ nɛ a daa wɔ kumo to na be kananɛ a sa nde. Mosis e daŋ bɔla Itama nɛ e la bɔrɛmatapo Ɛɛrɔn pibinyɛn na so n shin nɛ Livaiebi sibɛ amo be egbɛ nɛ kananɛ a sa.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Hibruwebi 8:5

Le be basa ere shuŋ kakpa cheembi nɛ k du fanɛ ebɔrɛso be kakpa cheembi be kiyoyu na to, ŋkpal manɛ so, anebi Mosis ka daa shin nɛ e yuu wajɛlambu cheembi na, le nɛ Ebɔrɛ daŋ ŋini mo kumo be asheŋ ŋ kaŋɛ: “Nyiŋi n wora kusɔ kama nɛ k bɛ kakpa cheembi be kaduli mo nɛ n daŋ ŋini fo ashi kebee na so na so.”

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 13:6

Ndoŋ nna nɛ e bugi mbe kɔnɔ a malga a gbiti Ebɔrɛ nseŋ ta mmalga lubi n jija mbe ketre nɛ kakpa nɛ e wɔ nɛ bumo nɛ b wɔ ebɔrɛso na kikɛ.