Kelaraŋŋini 15:4 - EBƆRƐ BE KAWƆL

⁴ O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 15:4 ပူးပေါင်းရင်းမြစ်များ

Nshɛ 105:7

Enyɛnpe Ebɔrɛ na e la anyi be Ebɔrɛ. E bee ji asheŋ nɛ amo be ekpa so nna kasawule so kikɛ.

Nshɛ 111:9

Ebɔrɛ e sɔ mbe basa n yige; mo e wora mo nɛ bumo be kɔnɔkoŋwule be ŋkre mbaanaayɔ. E la esa cheembi nɛ esa gboŋgboŋi nɛ e daga bunyaŋgboŋ nna.

Nshɛ 22:23

Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 22:3

Ama fo la esa cheembi nna a tase fo kuwurputi so. Fo nɛ Israɛlebi bee kpaŋ.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Nshɛ 97:8

O Enyɛnpe Ebɔrɛ, Jerusalɛm to nɛ Juda be efuli so be ndeana to be basa be ŋgbene fuli nna, nɛ baa ji eyur ŋkpal fo demuji so.

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Aizaaya 25:3

Basa nɛ b wɔ efuli lempoana so beeŋ kpaŋ fo; nɛ bumo nɛ b wɔ ndegboŋana nɛ a wɔ efuliana nɛ b maa wu kuwɔr na to e ŋana fo.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Aizaaya 45:23

Ma kɔnɔ naseso la kashenteŋ nna, kumo alɛ maa chɛrga. M bɔ ntaŋ n nase kɔnɔ fanɛ ekama beeŋ ba gbir ma kumuli nseŋ shuŋ ma, Enyɛnpe Ebɔrɛ na.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Zakareya 14:16

Kumo be kaman nɛ basa nɛ baaŋ ji efute ashi efuli pɔtɛana nɛ b daŋ kɔ Jerusalɛm kena na e baa yɔ Jerusalɛm to kafɛ kikɛ n ya kaa bunyaŋ Enyɛnpetale Ebɔrɛ na fanɛ bumo be ewura nsaa ji Abuu to be Kachɛgboŋ na.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Romebi 15:9

Loŋ e naaŋ shin nɛ nnyamase e maŋkura Ebɔrɛ ŋkpal mbe kuwɔr so fanɛ kananɛ abɔrɛsibɛ na bee kaŋɛ le na: “Ŋkpal le so meeŋ baa wɔ nnyamase to a di fo Ebɔrɛ epaŋ. Meeŋ boŋ nshɛ n dele fo ketre.”

1 Pita 1:16

Ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: “Men baa du cheembi, ŋkpal manɛ so, n du cheembi nna.”

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 14:7

Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”

Kelaraŋŋini 16:5

Ndoŋ nna nɛ n nu malaika mo nɛ e daa kɔ nchuana na be eleŋ na ka kaŋɛ le: “Fo nɛ fo daa wɔtɔ nseŋ kraa wɔtɔ na, wora asheŋ m bɔla ekpa ashi le be demuji ere to.

Kelaraŋŋini 16:7

Nɛ n nu ebɔl ka shi bɔrɛsure na akpa ŋ kaŋɛ: “Enyɛnpetale Enyɛnpe Ebɔrɛ, fo demuji kɔ kashenteŋ nseŋ niŋi pasaa.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.