Kelaraŋŋini 15:3 - EBƆRƐ BE KAWƆL

³ B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 15:3 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

1 Kronikɛls 6:49

Ɛɛrɔn nɛ mbe kaman to ebi nawule e daa lara duwu be sarga nɛ esarga chɔɔso bɔrɛsure na so. Bumo be kushuŋ e daa la kebaakeni acheembiana to be kakpa cheembi na be kabɔrɛshuŋ so nsaa yili Israɛlebi be katelamu to a lara alubi be ketampaŋ be sarga fanɛ kananɛ Ebɔrɛ be kayɛrbi Mosis kaŋɛ bumo na gbagba.

2 Kronikɛls 24:6

Amoso e daŋ shuŋi nna n tre Jehowada nɛ e la bɔrɛmatapo nimuso na m bishi mo le: “Manɛ nna nɛ fo maŋ shin nɛ Livaiebi na sɔ lampo ashi Juda nɛ Jerusalɛm be basa na kutɔ fanɛ kananɛ Enyɛnpe Ebɔrɛ be kenya Mosis daŋ shin nɛ baa ka nɛ baa ta a chɛ Enyɛnpe be Nshɛr be wajɛbu na be kushuŋ to na?”

Nehemaya 9:14

Fo yili kumo n sa bumo fanɛ b baa ta fo kewushiachɛ na fanɛ kachɛ cheembi. Fo daŋ kaŋɛ fo kayɛrbi Mosis nna fanɛ e ŋini bumo fo mbraana na.

Job be kawɔl 36:24

Beko kpaŋ Ebɔrɛ ŋkpal kusɔ nɛ e wora so, a daga fanɛ fo alɛ gba e kpaŋ mo.

Job be kawɔl 5:9

Anyi maaŋ tiŋ m pin asheŋ nɛ Ebɔrɛ bee wora to. Mo alɛ be emamachisheŋ maŋ kɔ ekar.

Nshɛ 100:5

Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.

Nshɛ 105:5

Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Nshɛ 111:2

Enyɛnpe Ebɔrɛ na wora emamachisheŋ damta nna! Ekama nɛ amo be asheŋ bɔlɔ mo kenishi bee fɛ amo be asheŋ nna.

Nshɛ 111:7

Ebɔrɛ be kasheŋwora kikɛ to, e bee ji asheŋ nɛ amo be ekpa so nna. Esa beeŋ tiŋ n yirda mbe mbraana.

Nshɛ 139:14

Mee kpaŋ fo nna, ŋkpal manɛ so, kananɛ fo to ma na la mamachi nna nsaa keta kufu. Fo asheŋ woraso kɔ mamachi pasaa. M baa nyi kumo ma kagbene to nna geeŋ.

Nshɛ 145:17

Enyɛnpe Ebɔrɛ na be kesheŋ wora kikɛ niŋi nna, mo alɛ kɔ kasha nna n sa mbe asɔ to so kikɛ.

Nshɛ 145:6

Basa beeŋ baa malga fo asheŋgboŋ be asheŋ nsaa ber fo keshi be kubomboŋ a sa beko.

Nshɛ 18:30

Enyɛnpe Ebɔrɛ maa wora shɛŋ a foe. Mbe kamalga la kashenteŋ nna. E du fanɛ benapo be kusɔ kuŋ so gboŋ nna, a kuŋ ekama nɛ e bee shile a ba mo kutɔ.

Nshɛ 78:12

Bumo nanaana be anishito nɛ e daŋ wora emamachisheŋ na. Ijipt be efuli so be kebonfu nɛ baa tre Zowan na so nɛ e daŋ wora amo.

Nshɛ 92:5

O Enyɛnpe Ebɔrɛ, fee wora asheŋgboŋ pasaa, fo nfɛra fɛso malɛ du chiŋgeliŋ alegaiso!

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Ditɛronɔmi 31:30

Ade kikɛ be kaman, nɛ Mosis kute kusɔ nɛ kashɛ na bee kaŋɛ kikɛ n sa Israɛl be basa nɛ b shɛr ndoŋ na kikɛ nɛ b nu.

Ditɛronɔmi 32:3

Meeŋ fur Enyɛnpe Ebɔrɛ na be ketre, nɛ mbe basa e malga mbe keshi be asheŋ.

Ditɛronɔmi 34:5

Ndoŋ nna nɛ Enyɛnpe Ebɔrɛ na be kayɛrbi, Mosis, wu ashi Mowab be kasawule so ndoŋ fanɛ kananɛ Enyɛnpe Ebɔrɛ kaŋɛ na.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

Hibruwebi 3:5

Kashenteŋ nna fanɛ anebi Mosis ka daa maŋ lar Ebɔrɛ kaman fanɛ kayɛrbi ashi Ebɔrɛ be kowu to ebi kikɛ to nseŋ daa ji asheŋ nɛ a beeŋ wora kachako so be shɛda na.

Joshuwa 22:5

Ama men baa da so nsaa bɛ mbra nɛ Mosis sa menyi, fanɛ: ‘Men baa sha men Nyɛnpe Ebɔrɛ na, nsaa wora mbe aparsheŋ. Men baa bɛ mbe mbra so, a ji kashenteŋ a sa mo, nsaa shuŋ mo nɛ men be ŋgbene nɛ ayoyu kikɛ.’ ”

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 11:17

a kaŋɛ le: “Enyɛnpetale Ebɔrɛ mo nɛ e daa wɔtɔ nseŋ kraa wɔtɔ na, anyee chɔrɔ fo ga fanɛ fo ta fo eleŋgboŋ na n shuŋ nseŋ fara nɛ fo ji kuwura naniere.

Kelaraŋŋini 14:3

Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”