Kelaraŋŋini 15:1 - EBƆRƐ BE KAWƆL

¹ Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.

Kelaraŋŋini 15:1 ပူးပေါင်းရင်းမြစ်များ

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Levitikɔs 26:21

Nɛ men kraa maa sa ma kashuli nseŋ kini kenu n sa ma, ŋ kraa beeŋ shin nɛ men be kasogberge e naaŋ ti so ale shunu.

Kelaraŋŋini 10:3

nseŋ wora awɔr ko fanɛ buluŋ ka munto na. E ka wora awɔr na nɛ bɔrɛ be egbri ashunu na sɔ n shuli so.

Kelaraŋŋini 11:14

‘Asheŋ maaŋ nyalɛ n sa basa’ nyɔsopo be saŋɛ na choŋ nna na, a ka gbrɛbi nɛ kesasopo e ba.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.

Kelaraŋŋini 14:19

Ndoŋ nna nɛ malaika na fili mbe loji na to m ba kasawule so n chala kumo be waindibi be asɔrso na nseŋ ta amo ŋ kpa n wɔtɔ Ebɔrɛ be agbo be kusɔ nyaŋasɔrso na to.

Kelaraŋŋini 16:1

Ndoŋ nna nɛ n nu ebɔl ko ka shi ebɔrɛso be bɔrɛlambu na to m ba malga awɔrso a kaŋɛ a kaŋɛ emalaika ashunu na le: “Men ya chulgi Ebɔrɛ be agbo nɛ k bɔlɔ ntishaŋ ashunu na to n wurge kasawule so.”

Kelaraŋŋini 17:1

Ndoŋ nna nɛ emalaika ashunu mo nɛ b daa kɔ ntishaŋ ashunu na be eko ba ŋ kutɔ m ba kaŋɛ ma: “Ba nɛ ŋ ŋini fo kananɛ baaŋ gberge sakalechegboŋ na kusoe. Mo e chena nchu damtaana so na.

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.

Kelaraŋŋini 21:9

Ndoŋ nna nɛ emalaika ashunu mo nɛ b daa kɔ ntishaŋ ashunu nɛ a daŋ bɔlɔ lalaloge be etɔrɔ ashunu na be eko ba ŋ kutɔ m ba kaŋɛ ma le: “Ba nɛ ŋ ŋini fo kejafɔ na, Kpakpafɔlbi na be eche na.”

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.

Kelaraŋŋini 8:6

Ndoŋ nna nɛ emalaika ashunu mo nɛ b daa kɔ mbel ashunu na to na wora shiriya nɛ b foŋ mbel na.

Kelaraŋŋini 9:20

Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.