Kelaraŋŋini 14:7 - EBƆRƐ BE KAWƆL

⁷ Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”

Kelaraŋŋini 14:7 ပူးပေါင်းရင်းမြစ်များ

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Nshɛ 115:15

Enyɛnpe Ebɔrɛ nɛ e to esoso nɛ kasawule na e nɛfa menyi!

Nshɛ 124:8

Anyi be kechɛto bee shi Enyɛnpe Ebɔrɛ nɛ e to esoso nɛ kasawule na kutɔ nna.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 36:1

Belubiworapo maa sa Ebɔrɛ bunyaŋ. Alubi nawule be asheŋ nɛ baa fɛ ashi bumo be ŋgbene to.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Nshɛ 95:5

Teku la mo peya nna, ŋkpal manɛ so, mo e to kumo. Mo gbagba be enɔana nɛ e ta n tɔl kasawule.

Ɛksodɔs 20:11

Ŋkpal manɛ so, nchɛ ashe nɛ ma, Enyɛnpe Ebɔrɛ na ta n to esoso nɛ kasawule nɛ teku nɛ asɔ nɛ a wɔ amo to kikɛ nseŋ wushi kachɛ shunusopo na, amoso ma, Enyɛnpe Ebɔrɛ na nɛfa kewushiachɛ na nna nseŋ ta kumo ŋ ki kachɛ cheembi.

Aizaaya 40:3

Esa ko bee ponte a kaŋɛ le: “Men lɔŋɛ ekpa kiyi to n sa Enyɛnpe Ebɔrɛ nɛ e bɔla so! Men tise n tise asɔ kama nɛ e dese ekpa na to na, nseŋ sulɔ ajaŋ n deŋi kumo so nɛ k baa walɛ nɛnɛ!

Aizaaya 40:6

Esa ko daŋ kaŋɛ ma fanɛ m ponte awɔrso, nɛ m bishi mo le: “N ponte ŋ kaŋɛ manɛ?” Nɛ e yɛ: “Ponte ŋ kaŋɛ awɔrso fanɛ edimɛdi kikɛ du fanɛ afitiri nna; b maa chɛr kebaawɔtɔ to fanɛ kananɛ atoto maa chɛr nsaa chɔɔ a mur ashi kupuŋ to na.

Aizaaya 40:9

Fo nɛ fo kɔ baru lela a ba Zayɔn na, e dii n yɔ kebee jeŋgreŋ na so. Fo nɛ fo kɔ baru lela a ba Jerusalɛm to na, bugi kɔnɔ m ponte awɔrso; maŋ kumo so nsaa maa lɔ kufu. Kaŋɛ nde nɛ a wɔ Juda be efuli so na le: “Menyi be Ebɔrɛ bee ba!”

Aizaaya 42:12

Menyi basa nɛ men wɔ mboŋ wɔfɔ e kpaŋ Enyɛnpe Ebɔrɛ n ta kemaŋkura n sa mo!

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Ezikɛl 7:2

“Dimɛdi pibi, Ezikɛl, kusɔ nɛ ma, Enyɛnpetale Ebɔrɛ na bee kaŋɛ Israɛl be efuli so be basa e la fanɛ, lalaloge be jemanɛ na bee fo nɛ efuli na kikɛ nyam e mur.

Ezikɛl 7:6

Kemur be saŋɛ na fo! K fo n loge. K beeŋ shin nɛ men mur.

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Luuk 17:18

Ama bumo be ekama maŋ tiŋ m bɛta m ba di Ebɔrɛ epaŋ she efɔ ere nawule a?”

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 16:9

Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 18:17

Ekuloŋgboŋ be katɛrɛ nimuso kikɛ nɛ bekama nɛ b wɔ ekuloŋgboŋ to a nite teku so, befarpoana na kikɛ nɛ bekama nyam nɛ baa bɔla nchu so a ji na kikɛ beeŋ yili kufɔ

Kelaraŋŋini 18:19

Kumo be kaman nɛ b ta shishɛr n wurge bumo be amuana so ŋkeŋ boŋ to n shu anishichubi ŋ kaŋɛ: “O kadegboŋ, asheŋ nya fo, asheŋ nya fo. Kadegboŋ ere to nɛ bekama nɛ b kɔ ekuloŋgboŋana a shuŋ tekuana so na bɔla mbe dama so n dii dama, ŋkeshin nɛ awa koŋwule to nɛ e mur kuraa!

Kelaraŋŋini 19:5

Ndoŋ nna nɛ ebɔl shi kuwurputi na akpa ŋ kaŋɛ: “Menyi nɛ men la mbe anya na, men di an be Ebɔrɛ na epaŋ, menyi nɛ men ŋana mo na kikɛ, bewurbi nɛ begboŋi kikɛ, men di mo epaŋ.”

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.

Kelaraŋŋini 8:10

Ndoŋ nna nɛ malaika sasopo na malɛ foŋ mbe kabel nɛ kechɛkpabi gboŋgboŋi ko shi awɔlpa so a suse fanɛ kabulpi na m ba tɔr elɔrana nɛ mbombiana be ntuŋ nsa be katuŋ koŋwuleso to.

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.