Kelaraŋŋini 14:4 - EBƆRƐ BE KAWƆL

⁴ Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

Kelaraŋŋini 14:4 ပူးပေါင်းရင်းမြစ်များ

Nshɛ 45:14

Kale nɛ b jɔ nɛnɛ nɛ e buu, nɛ b keta mo m bar fo, nɛ mo teriana nɛ b la etumbache bɛ mo so m ba fo kutɔ.

Nshɛ 74:2

Baa nyiŋi fo basa nɛ fo lara n sa fo kumu dra dra kikɛ na. Basa nɛ fo lara kenyaya to na; yiri nɛ fo lara fanɛ fo gbagba be basa na. Baa nyiŋi Zayɔn be kebee nɛ b daa wɔ kumo so na gba.

Sɔlɔmɔn 1:3

nɛ fo efɛa wɔ ebel ga. Fo ketre du viim nna fanɛ b ka chulgi tulale n wurge nna. Nɛ besuŋgurbi bee wu fo so.

Sɔlɔmɔn 6:8

Hale nɛ n nya bewurche adeshe nɛ bejipo aduburwa nɛ besuŋgurbi nɛ esa maaŋ tiŋ ŋ karga gba,

Jɛremaya 2:3

Israɛlebi, men la n nawule peya nna. Men daa la ma kapetɛ cheembi nna; nɛ ŋ kpal loŋ so n shin nɛ awurfoŋ nɛ jɛrbi damta ba bekama nɛ b daa mɛaŋ menyi na so.”

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Matiu 19:12

Beko fir nna, ŋkpal manɛ so, loŋ nɛ b kurge bumo. Beko malɛ, basa fɛl bumo nna. Beko malɛ kini kakil nna nsaa wɔtɔ ŋkpal ebɔrɛso be kuwura na so. Amoso, ekama nɛ e beeŋ tiŋ n sɔ loŋ be kebaawɔtɔ, e sɔ.”

Matiu 25:1

Nɛ Yesu naŋ bɔ keŋasa ko ŋ kaŋɛ: “Ebɔrɛso be kuwura na to beeŋ naŋ ba kaa du fanɛ besuŋgurbi kudu ko ka daŋ ta bumo be efitila nna n yɔ nɛ b ya shɛr kejafɔ mo kul to.

Matiu 8:19

Ndoŋ nna nɛ mbraŋinipo ko ba mo kutɔ m ba kaŋɛ mo: “Eŋinipo, kaplɛkama nɛ fee yɔ, meeŋ bɛ fo so n yɔ.”

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 13:37

Ndoŋ nna nɛ Pita naŋ bishi mo: “Enyɛnpe, manɛ e ba nɛ m maaŋ tiŋ m bɛ fo so naniere n yɔ? Meeŋ tiŋ ŋkpal fo so gba n wu.”

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

1 Kɔrintebi 16:15

Bekurgepoana, men nyi fanɛ Stɛfanas nɛ mbe kowu to ebi e la bekurgepo juŋkparsoana ashi Akaya be kasawule so, bumo alɛ ta bumo be amu kikɛ nna a shuŋ Ebɔrɛ be basa laraso.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

1 Kɔrintebi 7:28

Ama nɛ fo ta eche, mannɛ kulubi nɛ fo wora. Kasuŋgurbia kama malɛ nɛ e kil maŋ wora kulubi nna. Ama basa kama nɛ b luri kakil to beeŋ nya etɔrɔ ashi kebaawɔtɔ ere to, kumo alɛ be loŋ to nɛ mee sha kumɔlga menyi ashi to na.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

Ɛfesesebi 1:14

Kiyoyu Cheeŋ na e la anyi be tɔɔnɛ a sa anyi tama fanɛ anyeeŋ nya kusɔ nɛ Ebɔrɛ nase kɔnɔ fanɛ e beeŋ sa mbe basa na fanɛ bekama nɛ b la mo peya beeŋ nya bumo be amu nsaa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Ɛfesesebi 5:27

Saŋɛ na so e beeŋ ta asɔri na nɛ kumo be kela kikɛ nɛ kumo be kananɛ k ki cheembi nɛ kananɛ k maŋ kɔ kulubi kikɛ ŋko nɛ kananɛ kulubi kikɛ maŋ do kumo so nɛ kananɛ k maŋ nɔkɔr to ŋko kananɛ k maaŋ baa du bubɔrɔ kikɛ na m bɔɔ mo gbagba be kumu enɔ.

1 Timoti 4:3

Asɔ nɛ basa na bee ŋini na e la fanɛ a maŋ daga beche nɛ benyɛn e baa kil abar, kumo alɛ maŋ naŋ daga basa ka ji ajibi ko. Le be ajibi ere malɛ, Ebɔrɛ to amo nna n sa basa, nɛ basa nɛ b yirda Yesu Kristo a nyi kashenteŋ na e chɔrɔ Ebɔrɛ n sɔ amo nɛ enɔ anyɔ.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 21:22

N daa maŋ wu bɔrɛlambu kama kadegboŋ na to, ŋkpal manɛ so, Enyɛnpetale Enyɛnpe Ebɔrɛ nɛ Kpakpafɔlbi na e la ndoŋ be bɔrɛlambu.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 3:4

Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.