Kelaraŋŋini 14:20 - EBƆRƐ BE KAWƆL

²⁰ Nɛ b nyaŋ asɔrso na ashi kusɔ nyaŋasɔrso na to ashi kadegboŋ na be ekarso nɛ ŋklaŋ lar asɔ na to ashi amo be kemaŋ na to n teŋi to n dese n fo emayɛl alfa anyɔ nɛ amo be jeŋgreŋ malɛ daŋ fo fanɛ kekargato be ayadra anu.

Kelaraŋŋini 14:20 ပူးပေါင်းရင်းမြစ်များ

Jɛnesis 49:11

E beeŋ ba ta mbe kurmafɔlbi n chɛ m muni kefeelebi nɛ k bee sɔr asɔrso nɛ baa tre greep na be keyabi lela. E beeŋ ta nsa nɛ b ta kefeelebi be asɔrso nɛ baa tre greep na n wora nɛ a pere kpaw fanɛ ŋklaŋ na n fɔr mbe asɔbuuso. Kumo e naŋ ŋini fanɛ mbe ndibi sɔrso wora ga.

Aizaaya 66:24

Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Ezikɛl 32:6

nɛ n chulgi fo ŋklaŋ m pɔ abee kikɛ hale nɛ a bɔlɔ eboŋana.

Jowɛl 3:13

B kɔ amu kpakpaso ga nseŋ wora alubi a maa shu basa so. Amoso meeŋ ŋele bumo n lɛ fanɛ aboyu na nseŋ kɔr bumo to fanɛ kananɛ baa kɔr greep be asɔrso to a wora nsa a wɔtɔ kusɔ to nɛ a bee bɔlɔ a wurge na.”

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.