Kelaraŋŋini 14:2 - EBƆRƐ BE KAWƆL

² Ndoŋ nna nɛ n nu ebɔl ko ka shi ebɔrɛso ŋ gbri m ba fanɛ nchu damta ka bee shile nseŋ daŋ naa du fanɛ bɔrɛ ka bee gbri eleŋso na. Ebɔl mo nɛ n daŋ nu na daŋ naa du fanɛ ejaŋjilaŋlampoana ka bee laŋ bumo be ejaŋjilaŋ nna.

Kelaraŋŋini 14:2 ပူးပေါင်းရင်းမြစ်များ

2 Samuɛl 6:5

Deevid nɛ Israɛlebi na kikɛ daŋ ta bumo be eleŋ kikɛ nna a boŋ nshɛ a cha a maŋkura Enyɛnpe Ebɔrɛ na. B daa laŋ ejaŋjilaŋ nɛ egoji nɛ ŋkure nɛ echakachaka nɛ ayawa nna.

2 Kronikɛls 20:28

B ka fo kade to nɛ b ta ejaŋjilaŋ nɛ nlopi nɛ mbel m boŋ nshɛ n yɔ bɔrɛlambu na to.

Nshɛ 147:7

Men boŋ nshɛ ŋ kpaŋ Enyɛnpe Ebɔrɛ na; men laŋ ejaŋjilaŋ m boŋ nshɛ n sa anyi be Ebɔrɛ na.

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 33:2

Men ta alaŋsɔ n fur mo. Men ta ejaŋjilaŋ n laŋ m boŋ nshɛ n dele mo.

Nshɛ 43:4

Saŋɛ na so meeŋ ya bunyaŋ fo ashi fo bɔrɛsure na ase, ŋkpal fo ka sa ma kagbenefuli gboŋgboŋi so so. Meeŋ ta ma jaŋjilaŋ n laŋ m maŋkura fo, ma Ebɔrɛ na.

Nshɛ 57:8

Edi maŋ wɔ ma anishi to, meeŋ laŋ ma jaŋjilaŋ hale nɛ kare e ya chɛ.

Nshɛ 92:3

Keta alaŋsɔ be yiri kikɛ a boŋ nshɛ a kpaŋ fo ketre bee wora ma ebel nsaa par ma ga.

Nshɛ 93:4

Teku so be atili bee wora awɔr nna nsaa kɔ eleŋ ga, ama Enyɛnpe Ebɔrɛ na be eleŋ shi a chɔ amo be eleŋana.

Nshɛ 98:5

Men laŋ ejaŋjilaŋ m boŋ nshɛ belbelso n sa Enyɛnpe Ebɔrɛ na.

Ɛksodɔs 19:16

Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Aizaaya 17:13

Ama nɛ efuli lempoana bee ba eleŋso fanɛ atiligboŋ gba, Enyɛnpe Ebɔrɛ na beeŋ ponte bumo so nɛ b bɛta fanɛ kalabɛr ka koso kebee ase ŋko kewabi nɛ kawuliwuli ta a yɔ na.

Ezikɛl 43:2

Ndoŋ nɛ n wu Israɛl be Ebɔrɛ na be kemaŋkura ka bee nyɛkpɛ pɛlpɛl n shi epeŋilarkpa a ba, nɛ Ebɔrɛ be ebɔl gbir fanɛ teku ka bee baga to na. Kusɔ kama nɛ k daa wɔ ndoŋ gba daŋ fulto nna a nyɛkpɛ.

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

1 Kɔrintebi 13:1

Nɛ m baa tiŋ a gbar basa nɛ emalaika gba be ŋgbar ŋkaa maa kɔ kasha, kumo ere m baa du fanɛ kakure bureso nna ŋko awɔr fuloŋ.

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.

Kelaraŋŋini 1:15

Mbe ayadra daa du fanɛ katishaŋ peper nna a kpa edɛ fanɛ b ka lara amo edɛ to m bel amo na nɛ mbe ebɔl malɛ daa gbri fanɛ nchu damta ka bee shile na.

Kelaraŋŋini 11:12

Ndoŋ nna nɛ b nu ebɔl ka shi ebɔrɛso ŋ kaŋɛ bumo: “Men dii a ba nfe.” Ndoŋ nna nɛ b luri awɔlpa to a yɔ ebɔrɛso nɛ bumo doŋana yil a keni bumo.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 15:2

Ndoŋ nna nɛ n wu kusɔ ko ka du fanɛ digi nɛ edɛ be weato a dese fanɛ teku nɛ basa nɛ b daŋ kɔ kusɔbɔya na nɛ mbe kaduli na nɛ mbe ketre be lamba na m pɔɔ so na yil m mata teku na. B daa yil nna a kɔ ejaŋjilaŋ ko nɛ Ebɔrɛ daŋ ta n sa bumo na to.

Kelaraŋŋini 18:22

Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.

Kelaraŋŋini 6:1

Nɛ n wu Kpakpafɔlbi na ka bu tɔɔnɛ be abersobi ashunu na be kuko to nseŋ nu asɔbɔya keniso ana na be kuko ka ta ebɔl ŋ kaŋɛ awɔrso fanɛ bɔrɛ be egbri ŋ kaŋɛ: “Ba!”

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.