Kelaraŋŋini 14:18 - EBƆRƐ BE KAWƆL

¹⁸ Bede malɛ kikɛ be kaman nɛ malaika ko malɛ nɛ e daa kɔ edɛ be eleŋ shi bɔrɛsure na akpa m ba tre emo nɛ e daa kɔ loji jiso na to na awɔrso ŋ kaŋɛ mo le: “Ta fo loji jiso na ŋ ku kasawule so be waindibi be asɔrso na, ŋkpal manɛ so, asɔrso na bel.”

Kelaraŋŋini 14:18 ပူးပေါင်းရင်းမြစ်များ

Jowɛl 3:13

B kɔ amu kpakpaso ga nseŋ wora alubi a maa shu basa so. Amoso meeŋ ŋele bumo n lɛ fanɛ aboyu na nseŋ kɔr bumo to fanɛ kananɛ baa kɔr greep be asɔrso to a wora nsa a wɔtɔ kusɔ to nɛ a bee bɔlɔ a wurge na.”

Maak 4:29

Bibi na baŋ bel, kanyɛn na bee la kasaŋɛ nna epul na to n luri amo to a teŋi, ŋkpal manɛ so, kasɔteŋi be jemanɛ fo.”

Kelaraŋŋini 16:7

Nɛ n nu ebɔl ka shi bɔrɛsure na akpa ŋ kaŋɛ: “Enyɛnpetale Enyɛnpe Ebɔrɛ, fo demuji kɔ kashenteŋ nseŋ niŋi pasaa.”

Kelaraŋŋini 16:8

Ndoŋ nna nɛ malaika nasopo na ta mbe katishaŋ nɛ agbo na n chulgi n wurge epeŋi so nɛ k nya eleŋ n chɔɔ basa fanɛ edɛ.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.