Kelaraŋŋini 14:15 - EBƆRƐ BE KAWƆL

¹⁵ Ndoŋ nna nɛ malaika ko malɛ lar ebɔrɛso be bɔrɛlambu na to n tre esa nɛ e daa tase kuwɔlpa na so na awɔrso ŋ kaŋɛ mo le: “Ta fo loji n teŋi asɔ, ŋkpal manɛ so, kasɔteŋi be jemanɛ fo, ŋkpal manɛ so, kasawule be asɔ nɛ baaŋ teŋi na be jemanɛ na fo.”

Kelaraŋŋini 14:15 ပူးပေါင်းရင်းမြစ်များ

Jɛnesis 15:6

Nɛ Eebram yirda Enyɛnpe be kamalga na. Nɛ Enyɛnpe na malɛ kpal loŋ so n nase kumo fanɛ e la esa nɛ e niŋi nna ashi mbe anishi to.

Aizaaya 62:1

Meeŋ malga n leŋ Jerusalɛmebi to. M maaŋ lo ma kɔnɔ kikɛ, ama b nya kumɔlga nna nɛ bumo be kekɔmpɔɔso e dii efuli fanɛ kabulpi nɛ k chɔɔ so kanyɛso nɛ ekama wu kumo na nna.

Jɛremaya 51:33

K maaŋ chɛr nɛ bedoŋ na e pɔɔ bumo so nseŋ chichi bumo so m mata kasawule fanɛ kananɛ baa beri ayu kugooro so na. Ma, Enyɛnpetale, Israɛl be Ebɔrɛ na e kaŋɛ na.”

Jowɛl 3:13

B kɔ amu kpakpaso ga nseŋ wora alubi a maa shu basa so. Amoso meeŋ ŋele bumo n lɛ fanɛ aboyu na nseŋ kɔr bumo to fanɛ kananɛ baa kɔr greep be asɔrso to a wora nsa a wɔtɔ kusɔ to nɛ a bee bɔlɔ a wurge na.”

Matiu 13:30

Men yige amo nɛ alela na kikɛ nɛ a baa yil a daŋ hale nɛ kasɔteŋi be jemanɛ e ya fo nɛ ŋ kaŋɛ beteŋipo na le: Men tia alubi na pɔɛŋ ŋ kre amo ntuŋ so n ta amo n wɔtɔ edɛ to. Amo be kaman nɛ men teŋi alela na n wɔtɔ ma kapuro to.’ ”

Matiu 13:39

Edoŋ nɛ e duu asɔ duuso lubi na e la Setani. Kasɔteŋi be jemanɛ na e la lalaloge be jemanɛ na nɛ beteŋipo na malɛ la emalaika.

Matiu 23:32

To, menyi alɛ gba e baa kɔ to a wora alubi nɛ men nanaana daŋ wora na ai!

Maak 4:29

Bibi na baŋ bel, kanyɛn na bee la kasaŋɛ nna epul na to n luri amo to a teŋi, ŋkpal manɛ so, kasɔteŋi be jemanɛ fo.”

1 Tɛsalɔnikaebi 2:16

Kumɔlga be kubɔya nɛ an daŋ bar nnyamase na gba, Juwebi na daa maa sha an ka bɔ kumo n sa nnyamase na. Loŋ so, bumo be asheŋ lubi daa ti so nna saŋkama. Naniere malɛ Ebɔrɛ be agbo kaa bumo so.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 13:12

E daŋ ta kusɔbɔya juŋkparso na be eleŋ kikɛ nna n wora asheŋ ashi mbe anishito nseŋ shin nɛ kasawule nɛ kumo be basa e maŋ kusɔbɔya juŋkparso nɛ b daŋ chɛ mbe doro mo nɛ k daa beeŋ tiŋ m mɔ mo na so.

Kelaraŋŋini 14:14

Ŋ ka naŋ keni nɛ n wu kuwɔlpa fuful ko nɛ esa ko malɛ du fanɛ nyiŋgbasa pibinyɛn na ka tase ndoŋ a kɔ shuwa be kuwurwuro mbe kumu so nɛ loji jiso ko malɛ wɔ mbe enɔ to.

Kelaraŋŋini 14:16

Ndoŋ nna nɛ emo nɛ e daa tase kuwɔlpa na so na fili mbe loji na to ŋ gbaari kasawule so nɛ kasawule so be asɔ kikɛ teŋi.

Kelaraŋŋini 14:17

Nɛ malaika ko malɛ ba shi ebɔrɛso be bɔrɛlambu na to n lar, mo alɛ gba a kɔ loji jiso to.

Kelaraŋŋini 14:18

Bede malɛ kikɛ be kaman nɛ malaika ko malɛ nɛ e daa kɔ edɛ be eleŋ shi bɔrɛsure na akpa m ba tre emo nɛ e daa kɔ loji jiso na to na awɔrso ŋ kaŋɛ mo le: “Ta fo loji jiso na ŋ ku kasawule so be waindibi be asɔrso na, ŋkpal manɛ so, asɔrso na bel.”

Kelaraŋŋini 15:6

Ndoŋ nna nɛ emalaika ashunu ko nɛ etɔrɔ ashunu ko shi bɔrɛlambu na to n lar. B daŋ buu m buu asɔbuuso lela nna nɛ a walɛ so n fuli le parrbi nseŋ ta shuwa be kreso peŋgeleŋ peŋgelembi ko ŋ kre bumo be ntetoana so.

Kelaraŋŋini 16:17

Nɛ malaika shunusopo na ta mbe katishaŋ nɛ agbo na n chulgi n wurge esoso nɛ ebɔl ko shi bɔrɛlambu na to awɔrso ŋ kaŋɛ: “Asheŋ na wora.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”