Kelaraŋŋini 14:11 - EBƆRƐ BE KAWƆL

¹¹ Edɛ mo nɛ a bee sa bumo ebesa na be edishi baa wɔtɔ nna mbaanaayɔ. Kapa nɛ kanyɛ bumo nɛ baa maŋ kusɔbɔya na nɛ mbe kaduli na so ŋko ekama nɛ e nya mbe ketre be lamba na daa maa kɔ ewushi kikɛ.”

Kelaraŋŋini 14:11 ပူးပေါင်းရင်းမြစ်များ

Jɛnesis 19:28

n ya yili ndoŋ ŋ keni Sodɔm nɛ Gomɔra nɛ ketaŋɛ na to kikɛ be kaba so n wu edishi ka bee kaa kululu kasawule na so fanɛ kananɛ kupuŋ bee chɔɔ nɛ edishi bee lar na.

Nshɛ 10:16

Enyɛnpe Ebɔrɛ na e naa ji kuwura kusɔ kama so mbaanaayɔ. Efuli pɔtɛana na beeŋ mur ashi mbe kasawule so.

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Ɛksodɔs 15:18

Fo Enyɛnpe Ebɔrɛ e naaŋ baa ji kuwura hale mbaanaayɔ.”

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 34:10

K beeŋ baa chɔɔ kapa nɛ kanyɛ nna, nɛ edishi malɛ e baa lar kumo to hale mbaanaayɔ. Edɔm beeŋ ki keshishɛrsawule a dese nfɛ damta nɛ esa maaŋ naŋ bɔla kumo to n choŋ kikɛ.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 57:20

Basa lubi bre du fanɛ teku nɛ k bee baga to a kaa ketili a lara eyurpi a deŋi kedeŋi so jemanɛ kikɛ na nna.

Danɛl 3:6

Ekama nɛ e kini k jɔŋɛ m bunyaŋ kumo, baaŋ ta mo epul na to n ya lɛ edɛ be kemaŋ chiŋgeliŋ nɛ edɛ bee chɔ wuloŋ wuloŋ nsaa tushi ga na to.”

Jowɛl 2:30

Kumo be kamɔnchɛ, meeŋ sa menyi kefiɛso be etɔɔnɛsheŋ nɛ e shi awɔlpa to nɛ kasawule so. Kumo be jemanɛ so, basa ko be ŋklaŋ beeŋ lar edɛ beeŋ suse n shin nɛ edishi e sɔ awɔlpa to kikɛ.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Ditɛronɔmi 28:65

Menyi alɛ maaŋ nya kayurwushi kaplɛkama. Menyeeŋ baa yɛlga epe, ama menyi alɛ maaŋ tiŋ m bɛta n yɔ.

Hibruwebi 1:8

Ama Ebinyɛn na bre be asheŋ, le nɛ Ebɔrɛ kaŋɛ: “O Ebɔrɛ, fo kuwura beeŋ baa wɔtɔ mbaanaayɔ. Kashenteŋ malɛ nɛ feeŋ baa kɔ a ji kuwura fo basa so ashi fo kuwura na to.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 13:12

E daŋ ta kusɔbɔya juŋkparso na be eleŋ kikɛ nna n wora asheŋ ashi mbe anishito nseŋ shin nɛ kasawule nɛ kumo be basa e maŋ kusɔbɔya juŋkparso nɛ b daŋ chɛ mbe doro mo nɛ k daa beeŋ tiŋ m mɔ mo na so.

Kelaraŋŋini 13:15

B daŋ sa kusɔbɔya nyɔsopo na eleŋ nna fanɛ e fute ŋkpa n wɔtɔ kusɔbɔya juŋkparso na be kaduli to, saŋɛ na so, e beeŋ malga nseŋ shin nɛ b mɔ bekama nɛ b kini kemaŋ mo so na.

Kelaraŋŋini 13:17

Saŋɛ na so, esa kikɛ maaŋ tiŋ n tɔ shɛŋ ŋko n fa kusɔ ko ama amodoŋwura baa kɔ ndulgi mo nɛ k la kusɔbɔya na be ketre na nna ŋko mbe ketre be lamba nna.

Kelaraŋŋini 14:9

Ndoŋ nna nɛ malaika sasopo ta m bɛ bumo so a kaŋɛ awɔrso le: “Ekama nɛ e bee maŋ kusɔbɔya na nɛ mbe kaduli na so nseŋ nya mbe ndulgi mbe kɔsɔto so ŋko mbe enɔ so,

Kelaraŋŋini 18:18

n shu awɔrso ŋkpal b ka wu edɛ mo nɛ a bee chɔɔ mo na be edishi so ŋ kaŋɛ: “Cha, kade mo malɛ e daŋ naŋ fo kadegboŋ ere so?”

Kelaraŋŋini 18:9

Kasawule so be bewura mo nɛ b ji kesakalea nseŋ naŋ tu mo n ji mbe dama na kaŋ wu edɛ mo nɛ a bee chɔɔ mo na be edishi, baaŋ boŋ to n shu anishichubi ŋkpal mo so.

Kelaraŋŋini 19:3

Ndoŋ nna nɛ basa na naŋ boŋ to ŋ kaŋɛ: “Halleluya. Edishi mo nɛ a bee shi mo to a lar na bee dii nna mbaanaayɔ.”

Kelaraŋŋini 20:10

Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.

Kelaraŋŋini 7:12

ŋ kaŋɛ le: “Amɛn. Kapandi nɛ kemaŋkura nɛ kanyiasheŋ nɛ kechɔrɔ nɛ bunyaŋ nɛ eleŋ nɛ kuwibi to be eleŋ e baa la an be Ebɔrɛ na peya mbaanaayɔ. Amɛn.”