Kelaraŋŋini 14:1 - EBƆRƐ BE KAWƆL

¹ Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 14:1 ပူးပေါင်းရင်းမြစ်များ

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Aizaaya 49:14

Le nɛ basa nɛ b wɔ Jerusalɛm to daŋ kaŋɛ: “Enyɛnpe Ebɔrɛ na lar anyi be kaman nseŋ teŋ anyi so.”

Jɛremaya 1:11

Ade be kaman nɛ Enyɛnpe Ebɔrɛ na shin nɛ ŋ ku bɔrɛdare nɛ e bishi ma le: “Jɛremaya, manɛ nɛ fo wu?” Nɛ ŋ kaŋɛ mo le: “Kedibi nɛ baa tre amɔnd na be kesɔrso nɛ k bee bel a pere manaŋ nɛ n wu.”

Ezikɛl 1:4

Ndoŋ nna nɛ ŋ keni esoso n wu bɔrɛ be afugboŋ ko ka shi kelargato be esoso be kaba so a ba. Bɔrɛ daa nyɛkpɛ kuwɔlpagboŋ ko to nna nɛ esoso kikɛ fulto. Edɛ daa lar kuwɔlpagboŋ na be nferinto a nyɛkpɛ fanɛ danyaŋ nɛ k la kachɔnɔnyifu nɛ b fifɛa kumo so na nna.

Ezikɛl 10:1

Asheŋ na be kaman nɛ ŋ keni kuwɔlpa nɛ k sha asɔbɔya keniso na be amu so, nseŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre saffai na n lɔŋɛ.

Ezikɛl 10:9

Nɛ n naŋ keni n wu fanɛ aya kulkulso ana mata asɔbɔya keniso na nsaa nyɛkpɛ fanɛ yawu kpakpaso be ajembu nyɛkpɛso na.

Ezikɛl 2:9

Ndoŋ nna nɛ ŋ keni nseŋ wu enɔ nɛ kawɔl sibɛso ko bɔɔ to a wɔ enɔ na to nɛ k teŋi n shoŋi ma.

Ezikɛl 44:4

Ndoŋ nna nɛ kanyɛn na keta ma m bɔla kelargato be esoso be kabuna na to n yɔ bɔrɛlambu na be anishito nɛ n to kenishi ŋ keni nseŋ wu fanɛ Enyɛnpe Ebɔrɛ be kemaŋkura bɔlɔ bɔrɛlambu na to. Ndoŋ nna nɛ n ta ma enɔana m buu ma anishi so nseŋ kurgi kumu n yuu to.

Ezikɛl 8:7

Ndoŋ nna nɛ e bar ma bɔrɛlambu na be kowushina be kelɔnɛ na be kabuna to m ba ŋini ma kemaŋ ko egbal na to,

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Danɛl 12:5

Ndoŋ nna nɛ n wu basa anyɔ ko ka yil lɔrkar. Eko wɔ kaba ndoŋ nɛ eko malɛ wɔ kaba nfe.

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Eemɔs 8:2

nɛ e bishi ma le: “Eemɔs manɛ nɛ fo wu?” Nɛ n yɛ: “Asɔrso belso kelantaŋɛ be bɔlɔ nɛ n wu.” Nɛ Enyɛnpe Ebɔrɛ naŋ kaŋɛ ma le: “Kananɛ asɔrso ere bel ere aloŋ nɛ ma basa Israɛlebi be ekar fo. M maaŋ ta bumo be alubi m paŋ bumo kikɛ.”

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Zakareya 4:2

nseŋ bishi ma le: “Manɛ nɛ fo wu?” Nɛ ŋ kaŋɛ: “N wu shuwa be kefitilatɔl nɛ ŋku wɔ kurwa to a bɛ kumo be esoso nɛ efitila ashunu wɔ kumo so. Efitila na be kekama kɔ kumo be kechɛbi be kaboŋ nna.

Luuk 12:8

Ma e kaŋɛ menyi na fanɛ ekama nɛ e bugi to ŋ kaŋɛ basa to fanɛ ma e wɔ mo, ma, Nyiŋgbasa Pibinyɛn gba beeŋ wora loŋ n sa mo ashi Ebɔrɛ be emalaika be anishito.

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”

Kelaraŋŋini 14:14

Ŋ ka naŋ keni nɛ n wu kuwɔlpa fuful ko nɛ esa ko malɛ du fanɛ nyiŋgbasa pibinyɛn na ka tase ndoŋ a kɔ shuwa be kuwurwuro mbe kumu so nɛ loji jiso ko malɛ wɔ mbe enɔ to.

Kelaraŋŋini 14:3

Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.

Kelaraŋŋini 15:5

Kede be kaman nɛ ŋ keni n wu shɛda be wajɛbu na be bɔrɛlambu ka bugi a yil ebɔrɛso.

Kelaraŋŋini 22:4

Baaŋ wu mbe anishiakpa nɛ mbe ketre malɛ e baa deŋ bumo be nsɔtoana so.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”

Kelaraŋŋini 6:8

Ndoŋ nna nɛ ŋ keni nɛ gbaŋɛ peperbi ko yil. Kumo be ediipo nɛ b daa tre Luwu, nɛ emo nɛ b daa tre Bubuni be Kakpa na malɛ bɛ mo so. B daŋ sa bumo eleŋ nɛ baaŋ ta m mɔ kasawule so be kenasopo na nna nɛ b ta tokobi m mɔ nseŋ naŋ bar akoŋ nɛ alɔ nɛ asɔbɔya lubiana.