Kelaraŋŋini 13:8 - EBƆRƐ BE KAWƆL

⁸ Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 13:8 ပူးပေါင်းရင်းမြစ်များ

Jɛnesis 22:7

Aizek tre mo tuto: “N tuto!” Nɛ e shuli ŋ kaŋɛ “Ma nde, m pibi.” Nɛ Aizek bishi mo: “To, edɛ nɛ ndibi nde nɛ nnɛ nɛ kubɔlpo fɔlbi nɛ anyeeŋ ta n ya mɔ n chɔɔ n lara sarga na malɛ wɔ?”

Nshɛ 69:28

Bubɔ bumo be atre ashi basa nɛ b wɔ ŋkpa to na be atre be kawɔl na to. Lara bumo ashi bumo nɛ b maŋ wora n jija to.

Ɛksodɔs 32:32

Jande ta bumo be alubi m paŋ bumo, nɛ loŋ maaŋ tiŋ n wora, kumo ere fo lara ma ketre ashi kawɔl nɛ fo sibɛ fo basa be atre n wɔtɔ na to.”

Aizaaya 4:3

Baaŋ baa tre Jerusalɛm to be esa kama nɛ Enyɛnpe Ebɔrɛ na shin nɛ e ji efute na esa cheembi.

Danɛl 12:1

Nɛ Malaika nɛ e buu epiŋi fuful na kaŋɛ le: “Loŋ be saŋɛ na, Maikel nɛ e la emalaika to be enimu nsaa keni fo basa so na beeŋ lar m ba, nɛ etɔrɔ be yiri nɛ a maŋ naŋ ba saŋɛ so nɛ durnya fara kikɛ na e ba. Kumo be jemanɛ kaŋ fo, menyi be efuli so be basa kama nɛ b sibɛ bumo be atre n wɔtɔ Ebɔrɛ be kawɔl na to na beeŋ nya kumɔlga.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Luuk 10:20

Ama men sa maŋ shin nɛ menyi be ŋgbene e baa fuli menyi ŋkpal mbuibi lubiana ka bee nu a sa menyi so. Kusɔ nɛ k daga men ka beeŋ kpal kumo so a shin nɛ menyi be ŋgbene e baa fuli menyi e la b ka sibɛ menyi be atre n nase ebɔrɛso na.”

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Kelaraŋŋini 12:15

Ama kusɔkpaŋ na daŋ fuu nchu nna ashi mbe kɔnɔ to fanɛ lɔr na a sha fanɛ a tu kache na n ta amo be eleŋ ŋ kpata mo n lɛ.

Kelaraŋŋini 13:12

E daŋ ta kusɔbɔya juŋkparso na be eleŋ kikɛ nna n wora asheŋ ashi mbe anishito nseŋ shin nɛ kasawule nɛ kumo be basa e maŋ kusɔbɔya juŋkparso nɛ b daŋ chɛ mbe doro mo nɛ k daa beeŋ tiŋ m mɔ mo na so.

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.

Kelaraŋŋini 5:12

nsaa boŋ le awɔrso a kaŋɛ: “Kpakpafɔlbi nɛ b mɔ na e daga nɛ e nya eleŋ nɛ dama nɛ kanyiasheŋ nɛ kuwibi to be eleŋ nɛ bunyaŋ nɛ kemaŋkura nɛ epaŋ be kedi.”

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”

Kelaraŋŋini 6:1

Nɛ n wu Kpakpafɔlbi na ka bu tɔɔnɛ be abersobi ashunu na be kuko to nseŋ nu asɔbɔya keniso ana na be kuko ka ta ebɔl ŋ kaŋɛ awɔrso fanɛ bɔrɛ be egbri ŋ kaŋɛ: “Ba!”