Kelaraŋŋini 13:2 - EBƆRƐ BE KAWƆL

² Kusɔbɔya mo nɛ n daŋ wu na daa du fanɛ karmɛ nna nɛ mbe aya malɛ daa du fanɛ shishiri be aya nɛ mbe kɔnɔ malɛ daa du fanɛ buluŋ be kɔnɔ. Kusɔ gbeyeso na daŋ sa kusɔbɔya na mo gbagba be eleŋ nɛ mbe kuwurputi nɛ eleŋ damta nna.

Kelaraŋŋini 13:2 ပူးပေါင်းရင်းမြစ်များ

2 Bewura 2:24

Elaisha ka gbɛ ŋ keni n wu bumo nɛ e gbɛlɛ bumo nseŋ sho bumo kɔnɔ ashi Enyɛnpe Ebɔrɛ be ketre to. Epul to nɛ eshishiri cheso anyɔ lar kupuŋ to ŋ kpɛa mbia na be adena nɛ anyɔ to chɛbarchɛbarbi.

Nshɛ 22:21

Mɔlga ma ashi ebuluŋ na kutɔ. Sɔ ma n yige ashi apuntona na kutɔ.

Aŋasa 17:12

Fo ka purgi buluŋ cheso nɛ k bee yɛla kenishi to a fin kumo pibi bɔ fo ka tu ewulpo a wora kawulisheŋ.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Aizaaya 5:29

Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Jɛremaya 13:23

Edimɛdi beeŋ tiŋ n chɛrga bumo be kayurwule a? Karmɛ beeŋ tiŋ n chɛrga kumo be eyur so be chɛchɛrɛ na a? Nɛ baaŋ tiŋ n chɛrga bre, fo alɛ gba beeŋ tiŋ n chɛrga fo asheŋ lubi nawule na to nsaa wora asheŋ niŋiso.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Habakuk 1:8

Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Kelaraŋŋini 12:13

Kusɔ gbeyeso na ka wu fanɛ b ta mo n lɛ kasawule so nɛ e ta m bɛ kache mo nɛ e daŋ kurge ebiyɛn na so.

Kelaraŋŋini 12:15

Ama kusɔkpaŋ na daŋ fuu nchu nna ashi mbe kɔnɔ to fanɛ lɔr na a sha fanɛ a tu kache na n ta amo be eleŋ ŋ kpata mo n lɛ.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:12

E daŋ ta kusɔbɔya juŋkparso na be eleŋ kikɛ nna n wora asheŋ ashi mbe anishito nseŋ shin nɛ kasawule nɛ kumo be basa e maŋ kusɔbɔya juŋkparso nɛ b daŋ chɛ mbe doro mo nɛ k daa beeŋ tiŋ m mɔ mo na so.

Kelaraŋŋini 13:4

Basa daa maŋ kusɔ gbeyeso na so nna ŋkpal e ka daŋ ta mbe eleŋ n sa kusɔbɔya na so nseŋ maŋ kusɔbɔya na gba so nseŋ bishi le: “Wanɛ malɛ e naa du fanɛ kusɔbɔya ere? Wanɛ e naaŋ tiŋ ŋ kɔ mo kena?”

Kelaraŋŋini 16:10

Malaika nasopo na be kaman nɛ enusopo na malɛ ta mbe katishaŋ nɛ agbo na n chulgi n wurge kusɔbɔya na be kuwurputi so, nɛ mbe kakpa nɛ e bee ji kuwura kikɛ ki tentembiri gbrum nɛ basa duŋ bumo be adonduloŋ ebesa so ga

Kelaraŋŋini 17:12

Alambɛ kudu mo nɛ fo wu na la bewurgboŋ kudu ko nna nɛ b maŋ naŋ fara a ji kuwura, ama baaŋ nya ekpa n tu kusɔbɔya na n ji kuwura awa koŋwule.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.