Kelaraŋŋini 13:10 - EBƆRƐ BE KAWƆL

¹⁰ Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

Kelaraŋŋini 13:10 ပူးပေါင်းရင်းမြစ်များ

Aizaaya 14:2

Efuli pɔtɛana so be basa beeŋ chɛ Israɛl be basa to nɛ b bɛta n yɔ kasawule nɛ Enyɛnpe Ebɔrɛ na sa bumo na so. Efuli pɔtɛ ebi na beeŋ ya kaa shuŋ Israɛlebi na fanɛ anya, nɛ Israɛlebi na e naa ji kuwura basa nɛ b daa kɔrfɛ bumo na so.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Jɛremaya 15:2

Nɛ b kaŋ bishi fo fanɛ nnɛ nɛ baaŋ baa yɔ, fo kaŋɛ bumo le: “Alɔ lubi beeŋ mɔ bumo be beko nɛ beko malɛ e wu kena to. Akoŋgboŋ beeŋ mɔ bumo be beko, nɛ bedoŋ malɛ e pɛ beko n yɔ efuli pɔtɛana so fanɛ anya.

Jɛremaya 43:11

Ewura Nebukadneeza beeŋ ba kɔ Ijipt be basa kena nseŋ mɔ bumo be basa damta. Alɔ beeŋ mɔ beko nɛ b pɛ beko malɛ ŋ gberge bumo n yɔ Babilɔn be efuli so.

Nfabel 3:26

Amoso, a daga fanɛ anyi e baa wora kanyiti a jo Enyɛnpe Ebɔrɛ na nɛ e mɔlga anyi.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Matiu 26:52

Nɛ Yesu kaŋɛ ebɛsopo na le: “Bɛta fo tokobi n wɔtɔ kumo be efar to, ŋkpal manɛ so, bekama nɛ baa pe etokobi a kɔ la bumo nɛ etokobi beeŋ mɔ nna.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Luuk 21:19

Ama ekama nɛ e ji kanyiti n lar, e beeŋ nya mbe ŋkpa.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.

Kelaraŋŋini 16:6

Ŋkpal b ka mɔ fo basa laraso nɛ anebiana n lara bumo be ŋklaŋ so, fo alɛ gba ta ŋklaŋ n sa bumo nɛ b nuu. Kusɔ nɛ k baŋ daga bumo nna na.”

Kelaraŋŋini 17:11

Kusɔbɔya mo nɛ e daa wɔ ŋkpa to ŋkaa maŋ naa wɔtɔ na e la ewura burwasopo. E la beshunu mo nɛ b fara m ba na to be eko nna a yɔ nɛ e ya mur.

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 2:19

N nyi men be aworbi nɛ men be kasha nɛ yirda, nɛ kananɛ menyee shuŋ beko nseŋ naa nyi kanyiti nɛ men kɔ a yil to. Ma alɛ naa nyi fanɛ naniere menyee wora asheŋ ga a chɔ kananɛ men daa wora sososo na.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.

Kelaraŋŋini 3:3

Amoso, men baa nyiŋi asɔ nɛ men daŋ sɔ nseŋ nu na kikɛ. Men baa bɛ amo so nseŋ lar alubi to. Nɛ men baŋ maŋ tiŋi men be loŋ be kebaawɔtɔ na to, meeŋ ba fanɛ eyu nɛ men maaŋ pin saŋɛ nɛ meeŋ purgi menyi.