Kelaraŋŋini 12:9 - EBƆRƐ BE KAWƆL

⁹ B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 12:9 ပူးပေါင်းရင်းမြစ်များ

Jɛnesis 3:1

Asɔbɔya nɛ Enyɛnpe Ebɔrɛ daŋ to na kikɛ to, kusɔkpaŋ e daa du fanɛ kanansabi a chɔ bumo nɛ b ka na kikɛ. Kachako nɛ kusɔkpaŋ na ba eche na kutɔ m ba bishi mo le: “Ama kashenteŋ nɛ Ebɔrɛ kaŋɛ fanɛ men sa maŋ kaŋ ji kedibi kama be asɔrso nɛ a wɔ kudɔbi ere to a?”

Jɛnesis 3:13

Ndoŋ nna nɛ Enyɛnpe Ebɔrɛ bishi eche na: “Manɛ be kushuŋ nɛ fo shuŋ loŋ?” Nɛ eche na kaŋɛ: “Kusɔkpaŋ na e fule ma nɛ n ji kusɔrso na.”

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

2 Kronikɛls 18:21

Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ Nɛ Enyɛnpe Ebɔrɛ na kaŋɛ: ‘Ya wora loŋ. Feeŋ pɔɔ so.’

Nshɛ 109:6

N doŋana yɛ: “Fin esa lubi ko nɛ e wu mo kulubi ŋ kaŋɛ fanɛ e wora kulubi ko nna.

Aizaaya 14:12

Fo Babilɔn be efuli so be ewura nɛ fo du fanɛ kachipurso be kechɛkpabi na, shi ebɔrɛso n tɔr to kasawule so! Jemanɛ nɛ k choŋ na fo daŋ kɔ m pɔɔ efuliana so nna, ama naniere fo alɛ gba nɛ b kɔ m pɔɔ so na.

Aizaaya 27:1

Kamɔnchɛ kaŋ fo, Enyɛnpe Ebɔrɛ na beeŋ ta mbe tokobi nɛ k kɔ eleŋ ga na ŋ gberge kusɔbɔya gbeyeso gboŋgboŋi nɛ k wɔ teku to nɛ baa tre kumo Liviatan na kusoe m mɔ kumo.

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Ezikɛl 28:16

Fo daŋ pere kenishi nna n wɔtɔ yawu be keji to nɛ k shin nɛ fo luri keŋkenshi nɛ alubi be kebaawɔtɔ to. Amoso nɛ n tintiŋ fo nɛ fo lar ma kebee cheembi na so nɛ malaika nɛ e daa kuŋ fo na ju fo ashi ajembu nyɛkpɛso na so na.

Matiu 13:39

Edoŋ nɛ e duu asɔ duuso lubi na e la Setani. Kasɔteŋi be jemanɛ na e la lalaloge be jemanɛ na nɛ beteŋipo na malɛ la emalaika.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 4:1

Ndoŋ nna nɛ Kiyoyu na shin nɛ Yesu yɔ kiyi to nɛ alubipo na e ya chɔ mo ŋ keni.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Matiu 4:5

Ndoŋ nna nɛ alubipo na naŋ shin nɛ b yɔ kadegboŋ cheembi na to n ya shin nɛ Yesu yili bɔrɛlambu na be kakpa jeŋgreŋ ko so nseŋ kaŋɛ mo le:

Matiu 4:8

Ndoŋ nna nɛ alubipo na naŋ shin nɛ b ya dii kebee jeŋgreŋ ko so n yili nɛ e ŋini Yesu durnya ere to be kuwurjiana kikɛ nyam nɛ amo be kemaŋkura

Luuk 10:18

Nɛ Yesu kaŋɛ bumo: “N wu Setani ka shi ebɔrɛso n tɔr a ba fanɛ bɔrɛ ka nyɛkpɛ na.

Luuk 13:16

Nɛ keni kananɛ Setani nyɔŋ kache ere to, Eebraham mo nanabi, nfɛ kuduaburwa kikɛ! Le be esa maŋ daga b ka suge mo ashi Setani be enɔ to kewushiachɛ a?”

Luuk 22:3

Ndoŋ nna nɛ Setani luri Judas Iskareɔt nɛ e daa la bebɛsopo kuduanyɔ na be eko na to,

Luuk 22:31

Nɛ Yesu kaŋɛ: “Saimɔn Saimɔn, keni, Setani kule Ebɔrɛ ekpa fanɛ e bee sha kewora menyi yɛryɛrbi fanɛ kananɛ baa gbaŋgbaŋ aboyunyifu to na,

Luuk 8:12

Amo nɛ a tɔr ekpa to na du fanɛ basa nɛ baa nu Ebɔrɛ be kamalga nɛ Setani e ba epul na to m ba lara kamalga na ashi bumo be ŋgbene to nɛ b sa maŋ kaŋ yirda n nya kumɔlga na nna.

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 16:11

Mo alɛ beeŋ naŋ ŋini bumo fanɛ b foe kasogberge be kenyi be ekpa, ŋkpal manɛ so, Ebɔrɛ teŋ gboŋi durnya ere to be ejuŋkparpo na ashi mbe kejuŋkpar na to.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

2 Kɔrintebi 11:14

Kumo alɛ maŋ la mamachi be kesheŋ ko nna, ŋkpal manɛ so, Setani gba bee kaa wora mbe kumu fanɛ kefultoso be malaika.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

2 Kɔrintebi 2:11

Saŋɛ na so, Setani maaŋ nya anyi, ŋkpal manɛ so, an nyi mbe nfɛra.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

2 Tɛsalɔnikaebi 2:3

Men sa maŋ kaŋ shin nɛ esa kama e bɔla ekpa kikɛ so n fule menyi, ŋkpal manɛ so, Enyɛnpe be kachɛ na maaŋ ba ama kenyaŋɛto m buu Ebɔrɛ na ba na nɛ alubipo nɛ mbe kelamba la edɛ to be keluri na lar na pɔɛŋ.

1 Timoti 2:14

Mannɛ Adam malɛ nɛ Setani daŋ juŋkpar n fule, eche na nɛ Setani daŋ fule nɛ e tɔr alubi to.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”

Kelaraŋŋini 12:12

Amoso, ebɔrɛsoana nɛ menyi nɛ men wɔ amo to na kikɛ, men shin nɛ men be ŋgbene e fuli menyi. Ama asheŋ maaŋ nyalɛ n sa kasawule nɛ etekuana bre, ŋkpal manɛ so, alubipo na gbelge n yɔ menyi kutɔ nɛ agbo damta, ŋkpal manɛ so, e nyi mbe saŋɛ ka maŋ naa shi.”

Kelaraŋŋini 12:3

Ndoŋ nna nɛ tɔɔnɛ be kusɔ ko malɛ naŋ lar ebɔrɛso. Kusɔ gbeyeso peper gboŋgboŋi ko nna nɛ k daa du fanɛ laŋchaŋ n daa kɔ amu ashunu nɛ alambɛ kudu nɛ nwurwuro ashunu malɛ wɔ mbe amu so.

Kelaraŋŋini 12:7

Kumo be kaman nɛ kena ku ebɔrɛso. Malaika nɛ baa tre Maikel na nɛ mbe emalaika nɛ kusɔ gbeyeso na nɛ mbe emalaika e daa kɔ abar.

Kelaraŋŋini 12:8

Ama kusɔ gbeyeso na nɛ mbe emalaika be eleŋ daa maŋ fo Maikel nɛ mbe emalaika peya so, amoso, b daa maŋ naŋ nya kakpa ebɔrɛso n chena.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 16:14

A la mbuibi lubiana be ayoyu nna a wora emamachisheŋ a yɔ durnya ere kikɛ be bewura kutɔ n ya kaa chala bumo a jo Enyɛnpetale Ebɔrɛ be kachɛgboŋ be kena na.

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 2:24

Ama menyi Tayatairaebi nɛ men ka ŋkaa maa bɛ loŋ be keŋini na so nseŋ maŋ naŋ bii asɔ nɛ beko bee tre Setani be wulo be keŋini chiŋgeliŋana na so na bre, m maaŋ naŋ ta kegben kama n ti menyi so.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 20:10

Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.

Kelaraŋŋini 20:8

Nɛ e lar n fule efuliana so ebi ashi kasawule so be abonfu ana kikɛ, bumo e la Gɔg nɛ Magɔg ebi na n shɛr bumo nɛ b kɔ kena. Bumo be keshi daa sa fanɛ teku ase be shishɛr.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.

Kelaraŋŋini 9:1

Nɛ malaika nusopo foŋ mbe kabel nɛ n wu kechɛkpabi ka shi awɔlpa so m ba tɔr kasawule nɛ b ta kemaŋ nɛ k maŋ kɔ ekar na nɛ baa tre kumo Abis na be esɔfi n sa kumo.

Kelaraŋŋini 9:20

Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.