Kelaraŋŋini 12:7 - EBƆRƐ BE KAWƆL

⁷ Kumo be kaman nɛ kena ku ebɔrɛso. Malaika nɛ baa tre Maikel na nɛ mbe emalaika nɛ kusɔ gbeyeso na nɛ mbe emalaika e daa kɔ abar.

Kelaraŋŋini 12:7 ပူးပေါင်းရင်းမြစ်များ

Nshɛ 78:49

Ebɔrɛ daŋ nya agbo nna nɛ mbe kagbene koso bumo so ga, fanɛ luwu be mbɔ damta ka mel abar so na.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Danɛl 10:13

Ama Pɛshiya be efuli so be kedimagboŋ na daŋ kuŋ ma ekpa nna nchɛ adunyɔ nɛ kako kikɛ. Ndoŋ nna nɛ Maikel, nɛ e la malaika nimuso na, ba chɛ ma to, ŋkpal manɛ so n nawule e daa wɔ Pɛshiya.

Danɛl 12:1

Nɛ Malaika nɛ e buu epiŋi fuful na kaŋɛ le: “Loŋ be saŋɛ na, Maikel nɛ e la emalaika to be enimu nsaa keni fo basa so na beeŋ lar m ba, nɛ etɔrɔ be yiri nɛ a maŋ naŋ ba saŋɛ so nɛ durnya fara kikɛ na e ba. Kumo be jemanɛ kaŋ fo, menyi be efuli so be basa kama nɛ b sibɛ bumo be atre n wɔtɔ Ebɔrɛ be kawɔl na to na beeŋ nya kumɔlga.

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 26:53

Fee tama fanɛ m maaŋ tiŋ ŋ kule n Tuto nna nɛ e shin nɛ emalaika nɛ b chɔ ŋgboŋ adushunu nɛ anyɔ e ba epul ere to m ba chɛ ma to a?

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

Ɛfesesebi 6:12

Ŋkpal manɛ so, mannɛ anyi nɛ edimɛdi e naa kɔ, ama anyi nɛ esoso be kenimujipoana nɛ bejuŋkparpoana nɛ tentembiri to be durnya ere to be eleŋana nɛ esoso be ayoyu lubiana e naa kɔ.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

2 Pita 2:4

Ŋkpal manɛ so, nɛ Ebɔrɛ maŋ yige emalaika mo nɛ b daŋ wora alubi na gba nseŋ daŋ yɛra bumo kemaŋ nɛ baa tre abis to na nɛ b ya kaa kɔ bumo to tentembiri to mina a jo demujiachɛ na,

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”

Kelaraŋŋini 12:8

Ama kusɔ gbeyeso na nɛ mbe emalaika be eleŋ daa maŋ fo Maikel nɛ mbe emalaika peya so, amoso, b daa maŋ naŋ nya kakpa ebɔrɛso n chena.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.