Kelaraŋŋini 12:2 - EBƆRƐ BE KAWƆL

² E daŋ di kedampo nna n fara nɛ e kurge nɛ k bee besa mo nɛ e bee shu awɔrso.

Kelaraŋŋini 12:2 ပူးပေါင်းရင်းမြစ်များ

Aizaaya 26:17

Ŋkpal kusɔ nɛ fo wora anyi na so, an daŋ ji awurfoŋ fanɛ eche nɛ kakurge ta mo nna.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Aizaaya 66:6

Men nu awɔr nɛ k shi kadegboŋ na nɛ bɔrɛlambu na to a ba! Enyɛnpe Ebɔrɛ na be bedoŋana be kasogberge be awɔr nɛ menyee nu na.

Maika 4:9

Jerusalɛmebi, manɛ so nɛ menyee shu awɔrso ŋko a ji awurfoŋ fanɛ eche nɛ kakurge ta mo? Menyi ka maŋ kɔ ewura ŋko menyi be asoetojipoana ka wu so nɛ menyee shu a?

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Matiu 24:8

Le be asɔ ere kikɛ du fanɛ kakurge be ebesa juŋkparso nna.

Baru lela nɛ Jɔn kute na 16:21

K du fanɛ eche ka bee sha kekurge nna. Mbe saŋɛ baŋ fo nɛ e luri kakurge be ebesa to, mbe kagbene bee jija mo nna, ama nɛ e baŋ kurge ebi na e bee teŋ mbe ebesa na so nna, ŋkpal manɛ so, mbe kagbene bee fuli mo nna ŋkpal e ka kurge ebi n wɔtɔ durnya ere to so.

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

Galeeshaebi 4:27

Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.