Kelaraŋŋini 12:17 - EBƆRƐ BE KAWƆL

¹⁷ Ndoŋ nna nɛ kusɔ gbeyeso na diewu ga n wora kache na nseŋ kilgi m bɛta n yɔ nɛ e ya kɔ kache na be kaman to ebi nɛ b ka na kena. Bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa ji Yesu be shɛda na.

Kelaraŋŋini 12:17 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

1 Kɔrintebi 2:1

Ŋ kurgepoana, ŋ ka daŋ ba menyi kutɔ nɛ m ba kaŋɛ menyi wulo be asɔ nɛ Ebɔrɛ bugi to na, n daa maŋ ta kɔnɔ belbelso nɛ kenyisha be kanyiasheŋ be mmalga n tu menyi.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

1 Jɔn 2:3

Nɛ an baa bɛ Ebɔrɛ be mmalga naseso so bre, kumo ere an baa nyi geeŋ fanɛ an nyi mo.

1 Jɔn 5:10

Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.

1 Jɔn 5:2

Nɛ an baa sha Ebɔrɛ nsaa bɛ mbe mmalga naseso so bre, loŋ nɛ anyeeŋ pin an ka bee sha Ebɔrɛ be mbia gba.

Kelaraŋŋini 1:2

nɛ ma alɛ ji asɔ nɛ n wu na kikɛ be shɛda, amo e la fanɛ Ebɔrɛ be kamalga nɛ asɔ nɛ Yesu Kristo malga na kikɛ be asheŋ.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 11:7

B kaŋ ji bumo be shɛda n loge, kusɔbɔya lubi mo nɛ e shi kakpa nɛ baa tre Abis na beeŋ ba kɔ bumo kena m pɔɔ bumo so nseŋ mɔ bumo

Kelaraŋŋini 12:16

Ama kasawule e daŋ chɛ kache na to m bugi kumo be kɔnɔ to n ta lɔr mo nɛ kusɔ gbeyeso na daŋ fuu ashi kumo be kɔnɔ to na n nuu.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 19:19

Ndoŋ nna nɛ n wu kusɔbɔya na nɛ kasawule ere so be bewura nɛ bumo be benapo ka shɛr m ba nɛ b ba kɔ gbaŋɛ na be ediipo na nɛ mbe benapo kena.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

Kelaraŋŋini 6:9

Nɛ Kpakpafɔlbi na bu tɔɔnɛ be kebersobi nusopo na nɛ n wu basa nɛ b mɔ ŋkpal b ka daŋ malga Ebɔrɛ be kamalga na so nɛ ŋkpal shɛda mo nɛ b ji na so na be ayoyu ashi bɔrɛsure na be kaseto.