Kelaraŋŋini 12:10 - EBƆRƐ BE KAWƆL

¹⁰ Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.

Kelaraŋŋini 12:10 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Job be kawɔl 1:11

To, fo ere e mur mbe kusɔ nɛ e kɔ kikɛ ŋ keni a, e maaŋ yili fo gbagba be anishito n shoduu fo?”

Job be kawɔl 1:9

Ndoŋ nna nɛ Setani malɛ kaŋɛ le: “Manɛ nna nɛ Job maaŋ baa ŋana Ebɔrɛ?

Job be kawɔl 2:5

Fo ere e ta kayurnyaŋ n lɛ Job so ŋ keni, e beeŋ yili fo gbagba be anishito n shoduu fo.”

Nshɛ 22:28

Ŋkpal manɛ so Enyɛnpe Ebɔrɛ e naa ji kusɔ kama so eleŋ, nsaa ji efuliana kikɛ so kuwura.

Nshɛ 45:6

Kuwurji nɛ Ebɔrɛ sa fo na beeŋ baa wɔtɔ mbaanaayɔ. Nɛ fo baa ji basa be asheŋ nɛ amo be ekpa so.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Matiu 6:10

n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Luuk 11:2

Nɛ Yesu kaŋɛ bumo: “Nɛ men baa kule Ebɔrɛ, men baa kaŋɛ le: ‘Etuto, shin nɛ fo ketre cheembi na e baa nya bunyaŋ n shin nɛ fo kuwurgboŋ na e ba.

Luuk 22:31

Nɛ Yesu kaŋɛ: “Saimɔn Saimɔn, keni, Setani kule Ebɔrɛ ekpa fanɛ e bee sha kewora menyi yɛryɛrbi fanɛ kananɛ baa gbaŋgbaŋ aboyunyifu to na,

1 Kɔrintebi 5:4

Men kaŋ ba shɛr an Nyɛnpe Yesu Kristo be ketre to nɛ ma alɛ wɔ menyi to ashi kiyoyu na to nɛ Yesu Kristo be eleŋ wɔ menyi to na,

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

Taites 2:3

Loŋ koŋwule na e daga fo ka kaŋɛ bechekparana na fanɛ b baa kɔ kebaawɔtɔ cheembi. A maŋ daga fanɛ b baa la emalaŋfiki ŋko n shin nɛ kasanuu e baa pɔɔ bumo so.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 2:26

Esa kama nɛ e kɔ m pɔɔ so ŋkaa kɔ ma aworbi na to n ya fo lalaloge na, meeŋ sa amodoŋwura eleŋ nɛ k bee ji efuliana so

Kelaraŋŋini 7:10

Nɛ b boŋ to awɔrso ŋ kaŋɛ le: “Kumɔlga kikɛ shi an be Ebɔrɛ nɛ e tase mbe kuwurputi so nɛ Kpakpafɔlbi na kutɔ nna.”