Kelaraŋŋini 12:1 - EBƆRƐ BE KAWƆL

¹ N yil nna nɛ alemaŋkar be tɔɔnɛ be kusɔ ko lar ebɔrɛso. Kache ko daŋ buu epeŋi nsaa yil kufɔl malɛ so nɛ kuwurwuro ko malɛ kɔ achɛkpabi kuduanyɔ kumo to a wɔ mbe kumu so.

Kelaraŋŋini 12:1 ပူးပေါင်းရင်းမြစ်များ

2 Kronikɛls 32:31

Babilɔn be bejuŋkparpoana ka shuŋi mbɔ fanɛ b ya bishi ewura Hɛzekaya etɔɔnɛsheŋ nɛ Ebɔrɛ sa mo na, Ebɔrɛ daŋ wora mo nna ŋ keni e bee ji kashenteŋ a sa mo nseŋ shin nɛ ewura Hɛzekaya sa bumo mo gbagba atuwebi.

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Sɔlɔmɔn 6:10

Wanɛ e ya kaa ba fanɛ karechɛso loŋ; a walɛ kebita nsaa nyɛkpɛ so fanɛ epeŋi ŋko kufɔl ka fara a lar? Wanɛ e naa tia aya fanɛ achɛkpabi damta ka lar awɔlto m bɛ abar so loŋ?

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 62:3

Feeŋ baa du fanɛ kuwurwuro lela kebita n sa Enyɛnpe Ebɔrɛ na.

Zakareya 9:16

Kamɔnchɛ na Enyɛnpe Ebɔrɛ na e naŋ mɔlga mbe basa fanɛ kananɛ mbolpɔkpapo bee mɔlga mbe mbolpɔ ashi kenishipere to na. Baaŋ baa nyɛkpɛ mbe kasawule so fanɛ kuwurwuro so be amaŋkanibi na.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Matiu 12:38

Ndoŋ nna nɛ mbraŋinipoana nɛ Efarisiana na be beko lara ebɔl ŋ kaŋɛ Yesu le: “Eŋinipo, wora kemamachisheŋ ko ŋ ŋini anyi.”

Matiu 24:30

Saŋɛ na so ma, Nyiŋgbasa Pibinyɛn be tɔɔnɛ beeŋ lar awɔlpa so, nɛ durnya ere to be efuliana kikɛ to ebi e shu. Baaŋ wu ma, Nyiŋgbasa Pibinyɛn nɛ eleŋ nɛ kemaŋkura gboŋ ka wɔ awɔlpa so a ba.

Maak 13:25

Achɛkpabi beeŋ shi awɔlpa so n tɔr, nɛ esoso be eleŋana kikɛ e wea abar to.

Luuk 21:11

Abembeŋgboŋ beeŋ ba nɛ akoŋ nɛ alɔana e tɔr mboŋ damta. Alemaŋkarsheŋ damta beeŋ shi ebɔrɛso n wora nɛ kufu e pɛ basa ga.

Luuk 21:25

Amo be jemanɛ emamachisheŋ beeŋ shi epeŋi so nɛ kufɔl so nɛ achɛkpabi so m ba nɛ durnya ere to ebi be ŋgbene e kaa bumo nɛ b wul to ŋkpal teku be atiligboŋ be egbri nɛ amo be kebagato so.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ashuŋ Shunso 2:19

Meeŋ wora emamachisheŋ ebɔrɛso nɛ Ebɔrɛ be asheŋ ŋiniso kasawule so. Baaŋ wu ŋklaŋ nɛ edɛ nɛ edishi damta.

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

Galeeshaebi 3:27

Ŋkpal manɛ so, b daŋ bɛr menyi kabɔrɛbɛr nna nɛ men baa wɔ Kristo Yesu to n shin nɛ naniere men ta Kristo be edasheŋ ŋ ki menyeya na.

Galeeshaebi 4:26

Ama ebɔrɛso be Jerusalɛm na bre maŋ wɔ kenyaya to. To, loŋ be Jerusalɛm ere du fanɛ an nio nna.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Ɛfesesebi 5:32

Loŋ be kesheŋ ere malɛ la wulo be kashenteŋgboŋ nna n sa anyi, ama kashenteŋto, Kristo nɛ asɔri na be kaplɛa so nɛ mee malga.

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 12:3

Ndoŋ nna nɛ tɔɔnɛ be kusɔ ko malɛ naŋ lar ebɔrɛso. Kusɔ gbeyeso peper gboŋgboŋi ko nna nɛ k daa du fanɛ laŋchaŋ n daa kɔ amu ashunu nɛ alambɛ kudu nɛ nwurwuro ashunu malɛ wɔ mbe amu so.

Kelaraŋŋini 15:1

Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.

Kelaraŋŋini 21:14

Kadegboŋ na be egbal daa kɔ egbaltɔlase kuduanyɔ nɛ gbaltɔlase kama malɛ daa kɔ Kpakpafɔlbi na be beshuŋipo kuduanyɔ na be ekoŋwule kama be ketre.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.