Kelaraŋŋini 11:9 - EBƆRƐ BE KAWƆL

⁹ Basa beeŋ shi basa kama to nɛ yiri kama to nɛ ŋgbar kama to nɛ efuliana so ebi to ŋ keni bumo be eyurana ka dese nchɛ asa nɛ bargato nseŋ kini keshin nɛ b puli amo.

Kelaraŋŋini 11:9 ပူးပေါင်းရင်းမြစ်များ

1 Bewura 13:22

E yɛ kakpa nɛ e kaŋɛ fanɛ fo sa maŋ kaŋ ji nɛ fo ba chena n ji. Amoso ŋkpal kusɔ nɛ fo wora ere so, feeŋ wu nɛ b maaŋ puli fo kakpa nɛ b puli fo kanaŋ to ebi na.”

Kaŋinichiŋgeliŋ 6:3

Esa beeŋ tiŋ a kɔ mbia kalfa nseŋ chɛr kasawule ere so ga, ama k maŋ tir nfɛ afanɛ nɛ e ji durnya ere to, e baa maŋ nya kagbenefuli ŋko kupuli lela mbe kaluwuachɛ kumo ere kebia nɛ b kurge nɛ e laŋɛ gba bɔ mo.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Jɛremaya 7:33

Edimɛdi be kebuni beeŋ ki ajibi n sa mbuibi nɛ kupuŋ to be asɔbɔya lubi, nɛ esa kikɛ maaŋ baa wɔtɔ nɛ e baa ju amo.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Kelaraŋŋini 10:11

Ndoŋ nna nɛ b naŋ kaŋɛ ma le: “A daga fanɛ fo naŋ lɔŋɛ n wu abɔrɛsheŋ ŋ kaŋɛ basa damta nɛ efuliana so ebi damta nɛ ŋgbarana to ebi damta nɛ bewura damta be asheŋ.”

Kelaraŋŋini 11:11

Nchɛ nsa nɛ bargato na be kaman nɛ ŋkpa be efute shi Ebɔrɛ kutɔ m ba luri bumo to nɛ b niŋi to nɛ kufu pɛ basa na be ekama nɛ e wu bumo na ga.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.