Kelaraŋŋini 11:19 - EBƆRƐ BE KAWƆL

¹⁹ Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 11:19 ပူးပေါင်းရင်းမြစ်များ

Nshɛ 105:32

Ade be kaman nɛ e shin nɛ bumo be bɔrɛchu ki abɔrɛjembu nɛ bɔrɛ bee nyɛkpɛ kasawule na kikɛ so;

Nshɛ 18:12

Nɛ abɔrɛjembubi nɛ bɔrɛ be kenyɛkpɛ be edɛ juŋkpar mo n fulto ashi awɔlpa jimajima na to.

Aizaaya 28:2

Enyɛnpe Ebɔrɛ na teŋ nya esa ko nɛ e kɔ eleŋ nɛ yuku nseŋ wora shiriya nɛ e kɔ bumo. E la esa nɛ e beeŋ ba fanɛ bɔrɛfugboŋ nɛ kumo nɛ bɔrɛchu wea abar to a ba nɛ k ba buu kasawule so na nna.

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Ezikɛl 13:11

Kaŋɛ anebiana na fanɛ bumo be egbal na beeŋ tɔr. Abɔrɛjembubi beeŋ tɔr kumo so nɛ afugboŋ e ber kumo so

Ezikɛl 13:13

To, egbal na e la Jerusalɛm be kadegboŋ na. Kusɔ nɛ ma, Enyɛnpetale Ebɔrɛ na kaŋɛ nde: “Meeŋ kaa agbo ga n shin nɛ afugboŋ nɛ bɔrɛgboŋ nɛ abɔrɛjembubi a bure egbal na.

Ezikɛl 38:22

Kumo be kaman nɛ n ta alɔ nɛ luwu ŋ gberge mo kusoe, nseŋ shin nɛ bɔrɛfu nɛ abɔrɛjembubi nɛ edɛ nɛ a bee suse fanɛ kejembu nɛ baa tre jɛrbi na e chulgi n wurge mo nɛ mbe benapo nɛ efuli damtaana nɛ b ti mo so na so.

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:5

Enyɛnpe Ebɔrɛ daŋ kaŋɛ Mosis nna fanɛ nɛ b kaa shin nɛ b kaa bumo be keeyi to, b shin nɛ Ɛɛrɔn nɛ mbe mbinyɛnsobi e luri n saŋɛ patisa nɛ k kuŋ ŋkre be deka nɛ k wɔ kakpa cheembi na nɛ wajɛbu to na nseŋ ta kumo m buu deka na so.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 12:1

N yil nna nɛ alemaŋkar be tɔɔnɛ be kusɔ ko lar ebɔrɛso. Kache ko daŋ buu epeŋi nsaa yil kufɔl malɛ so nɛ kuwurwuro ko malɛ kɔ achɛkpabi kuduanyɔ kumo to a wɔ mbe kumu so.

Kelaraŋŋini 16:1

Ndoŋ nna nɛ n nu ebɔl ko ka shi ebɔrɛso be bɔrɛlambu na to m ba malga awɔrso a kaŋɛ a kaŋɛ emalaika ashunu na le: “Men ya chulgi Ebɔrɛ be agbo nɛ k bɔlɔ ntishaŋ ashunu na to n wurge kasawule so.”

Kelaraŋŋini 16:18

Ndoŋ nna nɛ bɔrɛ nyɛkpɛ pelpel nseŋ gbri m ponte to n wɔtɔ nɛ kebembeŋgboŋ ko beeŋ kasawule so ga. Dimɛdi ka fara a wɔ kasawule so kikɛ kebembeŋ kama maŋ naŋ lubi fanɛ kumo. Kede e daŋ lubi ga a chɔ kebembeŋ kama.

Kelaraŋŋini 16:21

Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”

Kelaraŋŋini 4:5

Ndoŋ nna nɛ bɔrɛ shi kuwurputi na akpa a ponte to a gbri le gbrugbru nsaa nyɛkpɛ palpal nɛ efitila ashunu yil kuwurputi na be anishito a suse. Ndia ashunu na e la Ebɔrɛ be ayoyu ashunu na.

Kelaraŋŋini 7:15

Amoso, b baa wɔ Ebɔrɛ be kuwurputi be anishito a shuŋ mo kapa nɛ kanyɛ ashi mbe bɔrɛlambu to nna nɛ mo koŋwule nɛ e tase mbe kuwurputi so na malɛ bee ta mbe kebaawɔtɔ a kuŋ bumo.

Kelaraŋŋini 8:5

Ndoŋ nna nɛ malaika na ta shuwa be kusɔjɔduwu na n lara edɛ ashi bɔrɛsure na to m bɔlɔ kumo n ta edɛ na ŋ kpa n wurge kasawule so. E ka wora loŋ na nɛ bɔrɛ ponte ŋ gbri n nyɛkpɛ pɛlpɛl nɛ kasawule gbuŋgbuŋ to.

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.