Kelaraŋŋini 11:13 - EBƆRƐ BE KAWƆL

¹³ Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 11:13 ပူးပေါင်းရင်းမြစ်များ

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Baru lela nɛ Jɔn kute na 9:24

Ndoŋ nna nɛ b naŋ tre kanyɛn nɛ e daŋ tan na kela nyɔsopo m ba kaŋɛ mo le: “Ji kashenteŋ n sa Ebɔrɛ kemaŋkura, ŋkpal manɛ so an nyi kanyɛn na ka la alubipo.”

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

Kelaraŋŋini 11:11

Nchɛ nsa nɛ bargato na be kaman nɛ ŋkpa be efute shi Ebɔrɛ kutɔ m ba luri bumo to nɛ b niŋi to nɛ kufu pɛ basa na be ekama nɛ e wu bumo na ga.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 14:7

Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 19:7

Men shin nɛ anyi be ŋgbene e fuli anyi n dese nɛ an sa mo kemaŋkura. Ŋkpal manɛ so, Kpakpafɔlbi be kejafɔachɛ na fo nɛ mbe kejafɔ malɛ gba bela ase n loge.

Kelaraŋŋini 3:4

Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.

Kelaraŋŋini 8:5

Ndoŋ nna nɛ malaika na ta shuwa be kusɔjɔduwu na n lara edɛ ashi bɔrɛsure na to m bɔlɔ kumo n ta edɛ na ŋ kpa n wurge kasawule so. E ka wora loŋ na nɛ bɔrɛ ponte ŋ gbri n nyɛkpɛ pɛlpɛl nɛ kasawule gbuŋgbuŋ to.

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.